«Nur Otan» qataryna Túrkistan oblysynyń belsendi azamattary qabyldandy
Jıynda «Nur Otan» partııasy óńirlik fılıaly tóraǵasynyń birinshi orynbasary Beısenbaı Tájibaev 27 turǵynǵa kýálikter men tósbelgilerdi tapsyrdy.
B. Tájibaevtyń aıtýynsha, búginde partııa qatary óz salasy boıynsha jemisti eńbek etip júrgen belsendi azamattarmen tolyǵyp jatyr.
«Biz jergilikti máslıhattarda túrli sala ókilderiniń bolǵanyn qalaımyz. Buryn depýtattardyń basym bóligi kásipkerler bolsa, endi bul qatarǵa áleýmettik sala qyzmetkerleri, bilim, medıtsına, mádenıet jáne ózge de sala ókilderi qosylady degen senim bar. Saıası jumysta qyz-kelinshekter men jastar qatary da artady. Máslıhatta qoǵamnyń ártúrli tarmaqtarynyń ókilderi bolýy, olardyń úni estilýi tıis. Endi elimizde partııalyq praımerız ótedi. Sol saıası naýqanǵa qatysyp, eldik máselelerge aralasýǵa múmkindikterińiz bar. Partııaǵa árkim júrek qalaýymen, shynaıy nıetpen keledi. Oblysta «Nur Otan» partııasynyń 85 myńnan astam múshesi bar. Sol azamattarmen birge jemisti jumys atqaramyz dep oılaımyn», – dedi oblystyq fılıal tóraǵasynyń birinshi orynbasary.
Saltanatty jıynda partııa kýáligine ıe bolǵan Qazyǵurt aýdandyq aýrýhanasy bas dárigeriniń orynbasary N.Boranbaeva jetekshi partııanyń eldi órkendetý jolyndaǵy eńbegine toqtalyp, partııa qataryna qabyldanǵanyna qýanyshty ekenin jetkizdi. Sonymen birge Túlkibas aýdanynan kelgen ustaz A.Kósherbaı partııa tarapynan qolǵa alynǵan bastamalardyń mańyzdy ekenine toqtalyp, praımerızdiń shyn el janashyrlaryn shoǵyrlandyrýǵa serpin beretinin atap ótti. Al, kópbalaly analar partııa tarapynan áleýmettik sala boıynsha aýqymdy sharalar júrgizilip jatqanyna óz rızashylyqtaryn bildirdi.
Aıta keteıik, búginde Túrkistan oblysynda «Nur Otan» partııasynyń 85 myńnan astam múshesi bar. 2019 jyldan bastap 2020 jyldyń aqpan aıyna deıin partııa qataryna 5 myńnan astam adam qabyldanyp, 8 myńnan astam adam shyǵarylǵan. Túrkistan oblysy boıynsha bir kún ishinde aýdan-qalalarda 122 adamǵa partııa kýáligi tapsyrylǵan. Olardyń arasynda ustazdar, dárigerler, kásipkerler, áleýmettik sala qyzmetkerleri, sport salasynyń ókilderi, kópbalaly analar jáne ózge de sala mamandary bar.
