«Nur Otan» HDP «Jas Otan» jastar qanaty men «Jasyl el» respýblıkalyq shtaby Qyzylaǵash aýylyna kómek berýde
/strong>Sáýirdiń 19-y. QazAqparat /Ádilet Musahaev/ - Qyzylaǵash aýylynda bolǵan qaıǵyly oqıǵadan zardap shekkenderge «Nur Otan» HDP-nyń Almaty oblystyq fılıaly da kómek qolyn sozýda,
dep habarlaıdy QazAqparat.
Atalmysh partııa uıymynyń qyzmetkerleri qyzylaǵashtyqtardyń kúndelikti qajetti zattaryn jetkizip berýdi, kóńil-kúılerin bilip, túsindirý jumystaryn júrgizip, úı salýdaǵy jer telimderiniń durys bólinýi men rásimdeýge kómektesýde.
Sondaı-aq Qyzylaǵash aýyldyq aýmaǵynyń Eginsý aýylynyń turǵyny, І top múgedegi Erkinbek ıAhııaǵa qol arba qajettigin anyqtap, «Spetsavtotsentr Tavrııa» JShS-niń bas dırektory Sergeı Ovsıanıkovty demeýshilikke tartyp, qol arba alyp bergen.
Sol sııaqty Panfılov aýdandyq «Kóktal-Arasan» shıpajaıynyń bas dárigeri, Panfılov aýdandyq máslıhatynyń depýtaty Qurmanjan Ahmetqalıev qyzylaǵashtyq 10 balanyń jazǵy demalysyn shıpajaıda ótkizýine qol jetkizgen.
Sonymen qatar «Nur Otan» HDP «Jas Otan» jastar qanaty men «Jasyl el» respýblıkalyq shtabynyń 160-tan astam eńbekshi jasaǵy Qyzylaǵashtaǵy ózen boıynan bolashaq saıabaq retinde belgilengen orynǵa 5 myń túp aǵash otyrǵyzǵan.
Eńbekshi jasaq 2 aı boıy Qyzylaǵash aýylyn qalpyna keltirý jumystaryna atsalyspaq. Olar eńbekaqymen, jumys kıimimen, medıtsınalyq kómek jáne tamaqpen qamtamasyz etilgen.
