«Nur Otan» HDP Jambyl oblystyq fılıaly QR Prezıdentiniń ókilettigin uzartý jónindegi referendýmnyń ótýin biraýyzdan qoldap otyr
Aımaq basshysy Qanat Bozymbaev sessııanyń qatysýshylaryn fılıal atqarǵan qoǵamdyq-saıası jumystar týraly habardar etti. Atap aıtqanda ol: «Esep berý kezeńinde 10 500-ge jýyq is-shara uıymdastyrylyp, oǵan eki mıllıonǵa jýyq halyq qatysty, onyń ishinde Memleket basshysynyń Joldaýyn nasıhattaý boıynsha 475 000-ǵa tarta adamnyń qatysýymen 14 000-ǵa jýyq kezdesý ótkizildi», - dedi.
Jambyl oblysynyń ákimi partııanyń 10 jyldyq mereıtoıyna qatysty, Uly Otan soǵysyndaǵy Jeńistiń 65 jyldyǵyna, Qazaqstan Respýblıkasy Táýelsizdiginiń 20 jyldyǵyna arnalǵan mereıtoılyq is-sharalarǵa da toqtalyp ótti.
Aımaqtyń ekonomıkalyq damýyna toqtala kelgen ákim: «Qolǵa alynǵan sharalardyń arqasynda oblys boıynsha oń baǵyttaǵy damý qarqyny saqtalyp otyr, byltyrǵy jyly ónerkásip ónimderi artyp, 2009 jyldyń kórsetkishterimen salystyrǵanda 14 paıyzǵa artty, ıaǵnı 125 mlrd. teńgeni qurady», - dep atap ótti.
Jınalys sońynda «Nur Otan» HDP Jambyl oblystyq fılıalynyń músheleri Prezıdent Nursultan Nazarbaevtyń ókilettik merzimin 2020 jylǵa deıin uzartý jónindegi referendýmnyń ótkizilýine biraýyzdan qoldaý bildiretindikterin jetkizdi.
Sessııa jumysyna «Nur Otan» HDP apparaty jetekshisiniń orynbasary Qumar Aqsaqalov qatysty.
