«Nur Otan» HDP oblystyq fılıalynda respýblıkalyq baıqaý jeńimpazdarynyń kórmesi ótkizildi
ShETAÝ. 3 jeltoqsan. QazAqparat /Janmurat Janaıdarov/ - «Nur Otan» Halyqtyq-demokratııalyq partııasy Aqmola oblystyq fılıalynyń ǵımaratynda «Azıada balalar kózimen» respýblıkalyq baıqaý jeńimpazdarymen kezdesý ótip,
olardyń týyndylary kópshilik nazaryna usynyldy.
Fılıaldyń qoǵamdyq-saıası jumystar bóliminiń jetekshisi Baýyrjan Ybyraevtyń aıtýynsha, balǵyndar «Býrabaı» qysqy sport kesheninde ótken oblystyq baıqaýda júzden júırik shyǵyp, respýblıkalyq saıysta óńir namysyn qorǵap kelgender. Endi, mine júzden júırik shyqqan «Erekshe tehnıkasy úshin» atalymynyń júldegerleri 10 jasar Dıana Neǵmetjanova men 7 jasar Álisher Músirámınova, «Eń jas qatysýshy» nomınatsııasynda jeńimpaz atanǵan 4 jasar Jenıa Şeglovskaıa jerlesteri aldynda esepti kórmelerin usynyp otyr. Atap óter jáıt, olardyń barlyǵy derlik oblystyq balalar shyǵarmashylyǵy ortalyǵynyń tárbıelenýshileri. Shákirtteriniń bul tabystaryna ustazdary Roza Majıkova, Oksana ıAgnıýk, Talǵat Majenovtyń qýanyshtary erekshe. Balǵyndar baıqaýdyń tartysty ótkeni, onda 200-ge tarta jumys qazylar alqasynyń nazaryna usynylǵany týrasynda áńgimelep berdi. Júldegerlerdiń salǵan sýretteri, qoldan jasalǵan san alýan buıymdary kópshilik kóńilinen shyǵýda.
