«Nur Otan» HDP-nyń tıimdi ınfraqurylymy qurylýy tıis - B.Baıbek
ASTANA. 23 qyrkúıek. QazAqparat - «Nur Otan» HDP-nyń tıimdi ınfraqurylymy qurylýy tıis. Bul týraly búgin «Nur Otan» HDP Astana qalalyq fılıalynyń 18-shi kezekten tys konferentsııasynda partııa Tóraǵasynyń birinshi orynbasary Baýyrjan Baıbek málim etti.
«Búgingi tańda bizdiń óńirlerdegi kóptegen partııalastarymyz ortalyq apparatta jumys isteı bastady. ıAǵnı, partııa partııalastar úshin mansaptyq ósý múmkinshiligin beretin áleýmettik lıft bolady», - dedi ol. Bul rette B.Baıbek jergilikti jáne ortalyq atqarýshy organdardyń qyzmetine partııa tarapynan baqylaýdy kúsheıtý úshin materıaldyq-tehnıkalyq bazany nyǵaıtý mańyzdylyǵyn basa aıtty. «Partııanyń tıimdi ınfraqurylymy bolýy tıis. Búgingi tańda «Nur Otan» partııasy - bul 900 myń múshe, 9 myńnan astam bastapqy partııalyq uıym jáne 3 myńnan astam partııalyq baqylaý beketteri. Bul Partııalyq baqylaý komıtetiniń tıimdi jumysy», - dedi partııa Tóraǵasynyń birinshi orynbasary.
