«Nur Otan» HDP-nyń «Biryńǵaı qabyldaý kúni» respýblıkalyq sharasy aıasynda azamattardy Eńbek vıtse-mınıstri Á.Núsipova qabyldady
qpannyń 10-y. QazAqparat /Gúlmıra Álıakparova/ - Búgin «Nur Otan» halyqtyq-demokratııalyq partııasynyń respýblıka boıynsha fılıaldarynda ótip jatqan «Biryńǵaı qabyldaý kúni» aıasynda, partııanyń Ortalyq apparatynda QR Eńbek jáne halyqty áleýmettik qorǵaý vıtse-mınıstri Ásel Núsipovanyń halyqpen júzdesýi ótti,
dep habarlaıdy QazAqparat.
Aıta keteıik, «Biryńǵaı qabyldaý kúni» aıasynda turǵyndardy partııanyń Bas apparatynda túske deıin Astana qalasy ákiminiń orynbasary Erlan Qojaǵapanov qabyldady.
Zeınetaqy jáne áleýmettik tólemdermen qamtamasyz etý, múgedekterdi qoldaý, jumyskerler men oralmandardyń quqyqtaryn qorǵaý máselelerine arnalǵan Á.Núsipovanyń jeke qabyldaýyna 40-qa jýyq adam tirkeldi.
Vıtse-mınıstrdiń aıtýynsha, muń-muqtajdaryn aıtyp kelgenderdiń arasynda Astana qalasynyń qurylys nysandarynda jumys berýshimen kelisimshartqa otyrmaı, aqyrynda aılap eńbekaqylaryn ala almaı júrgen azamattar kóp. Sondaı-aq múgedek balalarynyń kútimine baılanysty jumysqa shyǵa almaı, áleýmettik kómek surap kelip otyrǵandar da barshylyq.
Aıta keteıik, 2010 jylǵy qańtardyń 1-inen bastap qoldarynda kembaǵal balalary bar analarǵa, olardyń qamqorshylary men ata-analaryna aı saıyn 15 myń teńge kóleminde áleýmettik járdemaqy berile bastady.
