«Nur Otan» HDP Almaty qalalyq fılıaly 2010 jylǵy qoǵamdyq-saıası sharalardyń jelilik kestesin jasady
; ALMATY. Aqpannyń 23-i. QazAqparat /Erlik Erjanuly/ - «Nur Otan» HDP Almaty qalalyq fılıaly 2010 jylǵy qoǵamdyq-saıası sharalardyń jelilik kestesin jasady. Bul búgin qalalyq máslıhattaǵy "Nur Otan" HDP depýtattarynyń forýmynda aıtyldy,
dep habarlaıdy QazAqparat.
"Partııa basshylyǵymen aldaǵy ýaqyttaǵy qyzmetti josparlaý kezinde sharalardyń sapasy men mazmunyna úlken mán berildi. Biz mádenı-buqaralyq sharalardan naqty máseleler men ózekti saýaldardy sheshýge baǵyttalǵan aktsııalarǵa aýysýǵa tyrysamyz. Aǵymdaǵy jyly eldiń barlyq aımaǵynda bir ýaqytta 26 arnaıy jobany júzege asyrý josparlanyp otyr", deıdi "Nur Otan" HDP-nyń qalalyq fılıaly tóraǵasynyń 1-shi orynbasary Amangeldi Kárimollın. Bul jobalardyń arasynda Jeńistiń 65 jyldyǵyn toılaýǵa arnalǵan "Ardagerlerdi ardaqtaıyq", 2011 jylǵy VII qysqy Azııa oıyndaryn nasıhattaýǵa arnalǵan "Sporttyq Qazaqstan", memlekettik tildi qoldaýǵa arnalǵan "Qazaqsha sóıleseıik" aktsııalary men onkologııalyq aýrýlarmen aýyratyn balalardy emdeýge qarjy jınaýǵa baǵyttalǵan "Shyn júrekten" qaıyrymdylyq telemarafony bar. Bul sharalardyń ishinde óziniń aýqymy jaǵynan myna sharalarǵa erekshe mán beriledi. Olar - Prezıdenttik basqarýdyń 20 jyldyǵy, Qazaqstan Respýblıkasy Konstıtýtsııasynyń qabyldanǵanynyń 15 jyldyǵy jáne 2011 jylǵy Qazaqstan táýelsizdiginiń 20 jyldyǵy.
