Nur Otan fraktsııalary depýtattaryn baǵalaıtyn elektrondy platforma iske qosyldy
Onyń aıtýynsha, joba partııa Tóraǵasy N.Á. Nazarbaevtyń tapsyrmasymen júzege asyrylǵan.
«Onyń aldynda úlken daıyndyq jumysy júrgizildi. Depýtattar reıtıngisin qalyptastyrý erejesi ázirlenip, ol Saıası keńes bıýrosynyń sheshimimen bekitildi, aqparattyq júıe jasaldy, derekter bazasy tsırflandyryldy jáne t.b.
Reıtıngti endirý bıleýshi partııadan saılanǵan depýtattardyń qyzmetin jandandyrýǵa, halyqpen keri baılanysty kúsheıtýge jáne jergilikti jerlerde saılaýaldy ýádelerdiń iske asyrylý tıimdiligin arttyrýǵa júıeli serpin berdi», dedi Baýyrjan Baıbek.
Onyń aıtýynsha, 217 saılaýaldy baǵdarlamaǵa qoǵamdyq-partııalyq monıtorıng júrgizýge 2,7 myń depýtat derbes jaýap beredi.
Elbasy, partııa Lıderi N.Á. Nazarbaev atap ótkendeı, «búginde qoǵamnyń depýtattarǵa qoıatyn talaby erekshe: olar azamattardyń múddesi men erkin qorǵap, qoǵam men memleket arasyndaǵy «kópir» bolýy tıis».
«Sondyqtan aımaqtarǵa sapar aıasynda óńirlik saılaýaldy baǵdarlamalardyń oryndalý jáne reıtıng júıesin endirý barysyn talqylaý úshin Nur Otan depýtattarymen toptyq jınalystar ótkizdim.
Óńirlerden túsken usynystardy eskere otyryp, reıtıngti jetildirý boıynsha ózgerister paketi ázirlendi. Búgin Nur Otan-nyń Saıası keńesi bıýrosynyń sheshimimen pysyqtalǵan ereje bekitildi», - dedi ol.
Endi reıtıng Nur Otan depýtattaryn, máslıhattardaǵy hatshylar men fraktsııalar basshylaryn qyzmetiniń aıqyndyǵy men eseptiligine baǵyttalǵan medıa belsendilikke jáne jumystyń túpkilikti nátıjelerine baǵdarlaıdy.
«Kelesi jyldyń aqpan aıynan bastap nurotandyq depýtattardyń reıtıngisi jarııa formatta júrgiziledi. Kez kelgen adam qalaýynsha naqty ýaqyt rejıminde halyq qalaýlylarynyń jumysymen tanysyp, ózekti máselelerdi sheshý úshin suraqtar qoıyp, jaýap ala alady.
Bul qadam Memleket basshysy Q.K. Toqaevtyń «Halyq únine qulaq asatyn memleket» tujyrymdamasyn naqty iske asyrýǵa jáne memlekettik júıeniń ary qaraıǵy ashyqtyǵy men jarııalylyǵy baǵdaryna jol ashatyn bolady», - dedi Baýyrjan Baıbek.
