Nur Otan: Eńbek daýlaryn sheshý tártibi jeńildeıdi

NUR- SULTAN. QazAqparat - 26 jeltoqsan kúni «MAEK Kazatomónerkásip» JShS ujymy qalalyq máslıhat depýtattyǵyna úmitkerler: Andreı Mogılın jáne Shamsadın Gýseınovpen kezdesip, «Nur Otan» partııasynyń aldaǵy 5 jyldaǵy jumys josparymen tanysty. Saıası uıymnyń memleketimiz ben óńirimiz úshin múdelli jumystaryn bildi, dep habarlaıdy QazAqparat.

Bıyl dúnıejúzine taralǵan pandemııaǵa baılanysty Qazaqstan da basqa elder sııaqty qıyn kezeńdi bastan keshirýde. Degenmen qıyndyqtarǵa qaramastan, «Nur Otan» partııasy ekonomıkanyń turaqtylyǵyn qamtamasyz etý baǵytynda jumystanyp jatqanyn atap ótti kandıdattar. Sonymen qatar olar partııanyń maqsaty qyzmet jasap turǵan jumys oryndaryn saqtap qalý, jańa jumys oryndaryn ashý, sol arqyly halyqtyń ál-aýqatyn arttyrý ekenin basa aıtty.

Jyl saıyn «Eńbek» baǵdarlamasy aıasynda respýblıka kóleminde 700 myń adam jumyspen qamtylady. Týrızm salasy damyp, 170 myń jumys orny qurylady. Aýyl sharýashylyǵyna da basymdyq berý arqyly 500 myńǵa jýyq adam jumyspen qamtamasyz etiledi. Budan basqa kásipkerlikke oqytý, qaıta daıarlaý kýrstaryna qamtylatyn adamdar sany ulǵaıady. Jumys kúshi artyq óńirlerden jumys kúshi tapshy óńirlerge kóshetin otbasylarǵa qoldaý kórsetilip, eńbek qaýipsizdigi jaqsarady.

- «Nur Otan» partııasy eńbek daýlary men janjaldardy sheshý tártibin ońtaılandyrý, eńbek zańnamasyn buzatyn adamdarǵa qatysty jaýapkershilikti qatańdatý jóninde zańnamaǵa túzetýler engizýge bastamashylyq jasap jáne eń tómengi jalaqyny kezeń-kezeńimen arttyrý máselesin alǵa qoıyp otyr, - dedi kandıdattar.

Shara barysynda qyzmetkerlerdiń suraqtaryna jaýap berilip, 2021 jyldyń 10 qańtarynda ótetin saılaýǵa qatysyp, «Nur Otan» partııasyna daýys berýge shaqyrdy.

Mańǵystaý oblysy Saılaý qorynyń qarajaty esebinen tólendi.