«Nur Otan» elordalyq memlekettik organdardyń saıttaryn synǵa aldy
Atap aıtqanda, qalalyq Saıası keńesiniń keńeıtilgen otyrysynda ol memlekettik organdar men ulttyq kompanııalardyń resmı saıttary arqyly ashyqtyq pen qoljetimdilikti belsendi júzege asyrý kerektigin atap ótti. S. Ahmetovtyń paıymynsha, osy baǵyttaǵy jumystarda aıtarlyqtaı kemshilikter oryn alyp otyr.
«Máselen, «Ákimshilik rásimder týraly» QR Zańyna sáıkes Internet-resýrstar aqparattyń belgili bir kólemin qatań túrde qamtýy tıis. Alaıda, Astananyń birqatar mekemelerinde, ıaǵnı muraǵattar jáne aqparat basqarmasynda, bilim salasyn baqylaý departamentinde, sot aktilerin oryndaý departamentinde, statıstıka departamentinde, din isteri boıynsha basqarmasynda jáne basqalarynda ótinish qujattary úlgileriniń bolmaýy, «suraq-jaýap» servısiniń joqtyǵy, bos qyzmet laýazymdary týraly málimetterdiń qamtylmaýy sekildi baǵyttarda atalǵan zańnamany buzýshylyq anyqtalǵan. Sonymen qatar, aǵymdaǵy jańalyqtar lentasyn jańartý jumystary durys júrgizilmeýde»,- dedi ol.
