«Nur Otan» «Baqytty balalyq shaq» atty partııalyq jobany iske qosady

ASTANA. QazAqparat - «Nur Otan» jetim jáne ata-ananyń qamqorlyǵynsyz qalǵan balalardyń ómir súrý sapasyn jaqsartýǵa arnalǵan «Baqytty balalyq shaq» atty partııalyq jobany iske qospaq. Bul týraly búgin «Nur Otan» sarapshylar tobynyń otyrysynda partııa hatshysy Eldar Syzdyqov málim etti.

«Joba aıasynda jetim jáne ata-ananyń qamqorlyǵynsyz qalǵan balalardyń ómir súrý sapasyn jaqsartýǵa arnalǵan sharalar ótkiziletin bolady», - degen ol buǵan deıin bala asyrap alǵandardyń olardan bas tartý derekteri jıilep ketkendigine qynjylys bildirdi.

«Sondyqtan da biz atalǵan saladaǵy ókiletti organdarmen, azamattyq sektor ókilderimen birlesip bul máseleni júıeli sheshýge nıet tanytyp otyrmyz», - dedi E.Syzdyqov.

Aıta keterligi, bas qosýda ınklıýzıvti bilim berýdi mektepterde, dýaldy bilim berýdi tehnıkalyq jáne kásibı bilim beretin mekemelerde engizý máselesi talqylandy.