Nur Otan azamattardy onlaın rejımde qabyldaı bastaıdy

NUR-SULTAN. QazAqparat - Nur Otan partııasynyń respýblıkalyq qoǵamdyq qabyldaý bólmesi memlekettik organ basshylary men Parlament depýtattarynyń azamattardy jeke qabyldaýyn qaıta qolǵa alady. Pandemııa jaǵdaıyna baılanysty halyqpen kezdesýler qashyqtan ótedi.

«Nur Otan» partııasy Respýblıkalyq qoǵamdyq qabyldaý bólmesiniń meńgerýshisi Saqtaǵan Sádýaqasovtyń aıtýynsha, endi azamattarǵa óz saýaldaryn joldaý ońaıyraq bolady.

Buryn olar partııa fılıalyna arnaıy kelýleri qajet bolsa, endi smartfonǵa nemese kompıýterge Zoom qosymshasyn ornatý jetkilikti.

«Bul – óte qarapaıym ári yńǵaıly ádis. Óıtkeni endi siz úıden shyqpaı-aq qandaı da bir basshylarmen, depýtattarmen sóılesip, ózekti máselelerge nazaryn aýdarýǵa bolady. Partııa úshin azamattardyń densaýlyǵy – negizgi basymdyq, sondyqtan onlaın format COVID-19 indetin taratpaýǵa baılanysty sanıtarlyq saqtyq erejelerin saqtaýǵa jaqsy kómektesedi», -dedi Saqtaǵan Sádýaqasov.

Sonymen, 2020 jyldyń qazan aıynda myna azamattar qabyldaý ótkizedi:

• 13 qazan – Parlament Májilisiniń depýtaty, «Nur Otan» fraktsııasynyń múshesi – Ekologııa máseleleri jáne tabıǵat paıdalaný komıtetiniń tóraǵasy Gleb Şegelskıı;

• 14 qazan – QR Eńbek jáne halyqty áleýmettik qorǵaý birinshi vıtse-mınıstri Aqmádı Sarbasov;

• 15 qazan – Parlament Májilisiniń depýtaty, «Nur Otan» fraktsııasynyń múshesi – Qarjy jáne bıýdjet komıtetiniń múshesi Tatıana ıAkovleva;

• 16 qazan – QR Syrtqy ister mınıstri Muhtar Tileýberdi;

• 20 qazan – Parlament Májilisiniń depýtaty, «Nur Otan» fraktsııasynyń múshesi – Áleýmettik-mádenı damý komıtetiniń múshesi Záýresh Amanjolova;

• 22 qazan – Parlament Májilisiniń depýtaty, «Nur Otan» fraktsııasynyń múshesi – Agrarlyq máseleler komıtetiniń múshesi Nurjan Áltaev;

• 23 qazan – QR Qarjy naryǵyn retteý jáne damytý agenttiginiń Qarjy qyzmetterin tutynýshylardyń quqyqtaryn qorǵaý departamenti dırektorynyń orynbasary Ernar Orazbaev;

• 27 qazan – Parlament Májilisiniń depýtaty, «Nur Otan» fraktsııasynyń múshesi – Halyqaralyq ister, qorǵanys jáne qaýipsizdik komıtetiniń múshesi Irına Aronova;

• 28 qazan – QR Tsıfrlyq damý, ınnovatsııalar jáne aeroǵarysh ónerkásibi vıtse-mınıstri Abylaıhan Ospanov;

• 29 qazan-Parlament Májilisiniń depýtaty, «Nur Otan» fraktsııasynyń múshesi – Halyqaralyq ister, qorǵanys jáne qaýipsizdik komıtetiniń múshesi Zaǵıpa Balıeva;

• 30 qazan – QR Ekologııa, geologııa jáne tabıǵı resýrstar mınıstri Maǵzum Myrzaǵalıev.

Qabyldaýǵa jazylý úshin 8 800 080 4441 (Qazaqstan boıynsha qońyraý shalý tegin) telefonyna habarlasýǵa nemese [e-mail] elektrondy poshtasyna «Azamattardy qabyldaý» belgisin qoıý arqyly jazylýǵa bolady.