«Nur Otan» Astanada cherlıdıng sııaqty buqaralyq sportty damytýdy kózdeıdi

ASTANA. 29 qazan. QazAqparat - Astanada cherlıdıng sııaqty buqaralyq sportty damytý maqsatynda biz osy jerde alǵashqy ulttyq chempıonatty ótkizý bastamasyn qoldadyq. Búgin elordada ótken baspasóz máslıhatynda «Nur Otan» partııasynyń Astana qalalyq fılıaly saıası-qoǵamdyq bóliminiń meńgerýshisi Aıgúl Qamanova osylaı aıtty.  

«Prezıdent Nursultan Nazarbaev atap kórsetkendeı, Qazaqstanda buqaralyq sport túrlerin keńinen damytý qajet. Sporttyń jekelegen túrleri emes, halyq kóptep qatysatyn sport salalaryna erekshe basymdyq berý kerektigi týraly talaı ret aıtylǵan. Sondyqtan biz cherlıdıng sııaqty buqaralyq sportty damytý bastamasyn qolǵa alyp otyrmyz. Ásirese, elimizdiń bas qalasy - Astanada sporttyń bul túrin damytý asa mańyzdy. Sebebi bul jerde arnaıy jáne joǵary oqý oryndarda bilim alyp jatqan jastar kóp. Almatyda ol jaqsy damyǵan. Endi, Astana da ondaı deńgeıge jetýi tıis. Sondyqtan biz Qazaqstannyń Ulttyq cherlıdıng federatsııasynyń elordada alǵash ret sporttyń osy túrinen ulttyq chempıonat ótkizý bastamasyn qoldap otyrmyz», - deıdi A.Qamanova.

Aıta keteıik, qazannyń 3-4-i aralyǵynda Astanadaǵy «Dáýlet» sport kesheninde cherlıdıngten I ulttyq chempıonat ótedi. Oǵan 50-den astam komanda qatysady. Olardyń ishinde bı toptary, cherlıdıng klýbtary jáne taǵy basqa ujymdar bar. Qatysýshylardyń jalpy sany - 500 adam. Cherlıdıng  (aǵyl. «cheerleading» degen sózinen shyqqan) - bı, gımnastıka men akrobatıkany úılestirgen sporttyń bir túri. Onda shoýdyń elementteri basym bolady. Cherlıdıng 1870-jyldary AQSh-ta paıda bolyp, sport komandalaryn demeýshi bı toptary arqyly tanymal bola bastady.