«Nur Otan»: Aqtóbeniń tirek aýyldary sý jáne gazben túgel qamtylady

AQTÓBE. QazAqparat - «Nur Otan» partııasy 2025 jylǵa deıin oblystyń barlyq aýylyn aýyz sýmen qamtamasyz etýdi josparlap otyr. Turǵyndar sany 200-den asatyn aýylǵa ortalyqtandyrylǵan aýyz sý qubyry tartylsa, adam sany 200-den az aýylǵa keshendi blok ornatylady, dep habarlaıdy QazAqparat.

Azamattardyń ómir súrý sapasyn arttyrý, taza sý, aýa jáne sapaly ınfraqurylymǵa qol jetkizýdi qamtamasyz etý - «Nur Otan» partııasynyń basym baǵyttarynyń biri. Jol jáne kólik ınfraqurylymyn, turǵyn úı-kommýnaldyq salasyn jańǵyrtý jaıyn «Nur Otan» partııasy atynan oblystyq máslıhat depýtattyǵyna úmitker Evgenıı Lazarchýk jáne Ásel Zeletdınova «Anvar» sýpermarketinde ótken kezdesýde aıtty.

«Ár úıge aýyz sý men gaz jetkizý – ekologııalyq jaǵynan qolaıly faktor. Partııa bul baǵyttaǵy máseleler sheshimin aldaǵy bes jylǵa júıeli josparlady», - dedi Evgenıı Lazarchýk. «Nur Otan» partııasynyń saılaýaldy baǵdarlamasyna saı oblystyń 880 myń turǵyny, ıaǵnı, 100% sapaly aýyz sý tutynyp, aýyldardy gazben qamtý kórsetkishi shamamen 69% jetkiziledi.

Ásel Zeletdınova jastardy qoldaýǵa nazar aýdardy. Úmitker jumyspen qamtý, shyǵarmashyl jastardyń ıdeıalaryn qoldaý baǵytyna toqtaldy.

«Partııanyń saılaýaldy baǵdarlamasynda halyq densaýlyǵyn nyǵaıtý, jastardyń eńbekke aralastyrý, buqaralyq sportty damytý sekildi birneshe basymdyq bar. Aldaǵy bes jylda 14 iri sport nysany salynady», - dedi Ásel Zeletdınova.

«Nur Otan» partııasy Aqtóbe oblysynyń Saılaý qorynyń qarajatynan tólendi.