«Nur Otan»: Aqtóbede jyl saıyn 1,3 mıllıon túp aǵash otyrǵyzylady
«Nur Otan» partııasy atynan QR Parlamenti Májilisiniń depýtattyǵyna úmitkerler Rahat Sydyqov, Ǵalymjan Eleýov, Sergeı Sımonov jáne oblystyq máslıhat depýtattyǵyna úmitkerler Asqar Qystaýbaev, Sergeı Vıshnıak kitaphanada kezdesý ótkizdi. Q.Jubanov atyndaǵy Aqtóbe óńirlik ýnıversıtetiniń oqytýshy-professor quramy jáne kitaphanashylarmen ótken kezdesýde Sergeı Vıshnıak bilim salasyndaǵy basym baǵyttarǵa toqtaldy.
«Bilim sapasyn odan ári arttyrý úshin «Nur Otan» partııasy birneshe mindetti alǵa qoıdy. Óńirde 1340 oryndyq 5 stýdenttik jataqhana salynady. Aqtóbe qalasyndaǵy joǵary oqý ornynyń stýdentteri úshin 500 oryndyq bir jáne kolledjderge 840 oryndyq 4 jataqhana boı kóteredi. Joǵary oqý oryndary men kolledjderdiń túlekterin jumysqa ornalastyrý úshin iri kompanııalarmen arada kelisim jasalady. Sonymen birge túlekterdiń kásip bastaýyna da múmkindik bar. Óńirde jyl saıyn jastardyń óz isin ashýyna jáne bıznes júrgizýine jaǵdaı jasalady. Atap aıtqanda jyl saıyn oblys ákiminiń 20-dan astam granty bólinedi. Qabyldanǵan sharalardyń nátıjesinde jastar arasyndaǵy jumyssyzdyq 3,3% - dan 3% - ǵa deıin tómendeıdi», - dedi Sergeı Vıshnıak.
Al úmitker Asqar Qystaýbaev ekologııalyq ahýaldy jaqsartý jolyn aıtty. Aqtóbe qalasyndaǵy jaǵymsyz ıisti joıý, qoqys suryptaý, óndiris oryndarynyń tehnologııasyn jańǵyrtý mindeti aıqyn.
«Ekologııalyq ál-aýqat - jaıly jáne qaýipsiz ómir súrýdiń mańyzdy faktory. «Nur Otan» partııasynyń maqsaty - atmosferaǵa lastaýshy zattardyń emıssııasyn tómendetý jáne qatty turmystyq qaldyqtardy kádege jaratý, sondaı-aq jańartylatyn energııa kózderi salasyndaǵy óńirdiń áleýetin tıimdi paıdalaný. Bul úshin aldaǵy bes jylda Aqtóbe ferroqorytpa jáne Aqtóbe hrom qosyndylary zaýyttarynyń tehnologııalyq jabdyqtarynyń shań-gaz tazartý qondyrǵylary qaıta jańartylyp, oblystyń iri kásiporyndary ilespe munaı gazyn kádege jaratady. 9 qatty turmystyq qaldyqtar polıgonyn salynady. Oblystyń qalalary men aýdandarynda qoqysty bólek jınaýǵa arnalǵan 2 myń konteıner ornatylyp, jyl saıyn 396 ga jerge 1,3 mln túp aǵash otyrǵyzylady. Nátıjesinde atmosferany lastaýshy zattardyń emıssııasyn 255 myń tonnaǵa deıin tómendetýge jáne qatty turmystyq qaldyqtardy qaıta óńdep, kádege jaratý úlesin 15% - ǵa deıin ulǵaıtýǵa múmkindik bar», - dedi Asqar Qystaýbaev.
Qazirgi kezde Q.Jubanov atyndaǵy Aqtóbe óńirlik ýnıversıtetinde 15 myńnan astam stýdent bar. Olardyń jan-jaqty bilim alýy jáne oqytýshy-professor quramynyń biliktiligin arttyrý úshin barlyq jaǵdaı jasalǵan. Joǵary oqý orny kadr daıyndaý isinde óńirdegi iri óndiris oryndarymen memorandýmǵa qol qoıǵan. Injener-tehnıkter Aqtóbe ferroqorytpa zaýytynda tájirıbe jınaıdy.
Sonymen birge kezdesý kezinde densaýlyq saqtaý salasyndaǵy tyń ózgerister jaıy aıtyldy. Aýrýhana men emhana qurylysy, materıaldyq-tehnıkalyq bazany nyǵaıtý – basty mindet.
«Nur Otan» partııasy qazaqstandyq medıtsınanyń joǵary standarttarǵa saı, al árbir azamatqa medıtsına salasyndaǵy úzdik tájirıbe qoljetimdi bolýyn quptaıdy. 2025 jylǵa deıin partııa emhanalarǵa 20 mınýttyq jáne dárigerlik ambýlatorııalarǵa 10 mınýttyq qoljetimdilikti qamtamasyz etedi. Aldaǵy bes jylda óńirde 15 densaýlyq saqtaý nysannyń ishinde balalar ınfektsııalyq korpýsy, oblystyq ınfektsııalyq aýrýhana, Checkup jáne PET ortalyqtary, oblystyq qan ortalyǵynyń qurylysy bar. 2025 jylǵa deıin 28 densaýlyq saqtaý nysandary kúrdeli jóndeýden ótedi. Partııanyń bul baǵyttaǵy jumysy óńir turǵyndarynyń ómir súrý sapasyn arttyryp, túrli derttiń aldyn alýǵa múmkindik beredi. Biz sizderdi naqty istiń partııasy Nur Otan-ǵa daýys berýge shaqyramyz. Partııa ekonomıkadan bastap ashyq jáne esep beretin jergilikti organdardyń ashyq jumysyn qamtamasyz etedi», - dedi Sergeı Vıshnıak.
Aldaǵy bes jylda qaterli isikti erte anyqtaý úshin jyl saıyn keminde 20 myń adam skrınıngten ótkiziledi. Sonymen birge jyl saıyn 20 birlik medıtsınalyq jabdyq satyp alynady. Onyń ishinde kompıýterlik tomograf, MRT apparaty, mammograf, elektroentsefalograf, ÝDZ, ókpeni jasandy jeldetý apparattary, ottegi kontsentrattary bar. Sapaly qyzmet úshin jyl saıyn keminde 12 dáriger shetelde biliktiginin arttyrady. Olar Izraıl, Túrkııa, Ońtústik Koreıa, Reseıge bara alady.
«Aqtóbelikterdi «Nur Otan» partııasyn qoldaýǵa shaqyramyn. Partııa ekonomıkany damytyp, bilim men medıtsına salasynyń qyzmet sapasyn arttyrady. Aýyz sý, gaz jetkizý, jol salý jumystarynyń da naqty mindeti bar. Biz saılaýaldy baǵdarlamanyń ár baǵytyn iske asyramyz, adamdardyń jaıly ári qaýipsiz ómir súrýi úshin barlyq jaǵdaıdy jasaımyz», - dedi Asqar Qystaýbaev.
Qıyndyqty eńserip, jeńiske birge jetemiz.
«Nur Otan» partııasy Aqtóbe oblysynyń Saılaý qorynyń qarajatynan tólendi.
