Nur Otan: Aqtóbede az qamtylǵan otbasy balalary kompıýtermen qamtylady
«Nur Otan» partııasynyń saılaýaldy baǵdarlamasynda bilim sapasyn arttyrýǵa basymdyq berilgen.
Aldaǵy bes jylda úsh aýysymdy, apatty mektep máselesi túbegeıli sheshiledi. Bul úshin 16 jańa mektep salynady. Kóbi Aqtóbe qalasynda.
Sonymen birge jyl saıyn 10 mektep jóndeledi.
Muǵalimdermen onlaın kezdesken Aqtóbe oblystyq máslıhat depýtattyǵyna úmitker Estaı Sısenbaev Baıǵanın aýdanyndaǵy basym baǵyttarǵa toqtaldy.
«Bilim ordalarynyń materıaldyq-tehnıkalyq bazasyn nyǵaıtyp, muǵalimderdiń kásibı biliktiligin jáne bilim berý sapasyn arttyrýǵa baǵyttalatyn jumys ári qaraı jalǵasady. Partııa bilim berýdiń qoljetimdiligin arttyrý maqsatynda 8 oqýshyǵa 1 kompıýterden kórsetkishin 5 oqýshyǵa 1 kompıýterge jetkizý mindetin alǵa qoıdy. Eger qashyqtan oqytý saqtalsa, halyqtyń áleýmettik osal tobyndaǵy 200 balany kompıýtermen qamtý qarastyrylǵan. Jańa júıemen attestattalǵan pedagogtar úlesi 2025 jylǵa deıin 65% jetedi», - dedi úmitker Estaı Sısenbaev.
Qala men aýyl mektepteri arasynda esh aıyrmashylyq bolmaýy tıis. Osy maqsatta Baıǵanın aýdanynyń birneshe mektebine kúrdeli jóndeý jumysy júrgiziledi.
«2021 jyly Qosaral negizgi mektebine kúrdeli jóndeý júrgizilip, Barshaqum orta mektebine sport zal salynady. Al 2022 jyly Qopa aýylyndaǵy Aqtan jyraý negizgi mektebine kúrdeli jóndeý júrgizilip, Jańatań aýylyndaǵy mektep janyna 100 oryndyq ǵımarat salynady. 2023 jyly Kemershı aýylyndaǵy Baldaýren balabaqshasynyń ǵımaratyn jóndelip, Oımaýyt aýylyna 150 oryndy mektep balabaqshasy salynady. Osy aýyldaǵy saılaýshylarmen kezdesken kezde bilim ordasynyń tozyǵy jetkenin, balalardyń tálim alýy kezinde kóp kedergige kezigetinin turǵyndar men pedagogtar aıtqan. Mine, bul másele sátti sheshimin tapty. Partııanyń saılaýaldy baǵdarlamasyna engizilip, jańa mekteptiń salynatynyn qýana habarlap otyrmyz», - dedi Estaı Sısenbaev. Sonymen birge aýdandaǵy orta mektepterde birneshe kabınet jabdyqtalady. Sport jabdyqtary jańarady.
Saılaýshylarmen kezdesý kezinde úmitker partııanyń saılaýaldy baǵdarlamasynyń kásibı, buqaralyq sportty damytý baǵytyndaǵy jumystaryna toqtaldy.
Qazirgi kezde aýdanda zamanaýı dene shynyqtyrý-sport kesheni jumys istep tur. Munda túrli jattyǵý zaly men basseın bar. Buǵan deıin aýdanda mundaı sport kesheni múlde bolmaǵan.
«Partııa aldaǵy bes jylda halyqtyń densaýlyǵyn nyǵaıtýǵa, azamattardyń sportpen shuǵyldanýyna basymdyq beredi. Máselen, Jarly, Noǵaıty, Kemershı, Dııar, Qaraýylkeldi aýyldarynda sport jáne balalardyń oıyn alańy salynady. Oımaýyt, Jańatań, Bulaqtykól aýyldarynda sport zal ashylady. 2021 jyly Qarabulaq jáne Barshaqum orta mektepterinde qosymsha sport zal qurylysy júrgiziledi. Halyqtyń sport ǵımarattaryna qoljetimdiligin 100% qamtamasyz etemiz», - dedi úmitker.
Bolashaq bilimdi urpaqtyń qolynda ekenin aıtqan úmitker Estaı Sısenbaev pedagogtarǵa artylǵan júktiń, senimniń aýyr ekenin jetkizdi. Qazir kóbi qashyqtan oqyp júr. Bul da muǵalim men oqýshynyń synalar shaǵy. Bilim sapasyn tómendetpeı, oqýshylardy tárbıeleýde ata-ananyń da atqarar róli orasan.
«Bárimiz de muǵalimniń aldynda otyryp, bilim aldyq. Biz olardyń eńbegin joǵary baǵalaımyz. Pedagogtar óz ýaqytynda biliktiligin arttyryp, balalardy tárbıeleýde zamanaýı ádisti qoldana bilýi tıis. «Nur Otan» partııasy muǵalimderdiń ár jobasyna úlken senimmen qaraıdy. Aldaǵy saılaýǵa qatysyp, el bolashaǵy men erteńi úshin daýys berýge shaqyramyn. Biz birge bolsaq, talaı kedergini eńseremiz», - dedi Estaı Sısenbaev.
Qıyndyqty birge eńserip, jeńiske birge jetemiz!
«Nur Otan» partııasyna daýys berińizder!
«Nur Otan» partııasy Aqtóbe oblysynyń Saılaý qorynyń qarajatynan tólendi.
