«Nur Otan»: Aqtóbede áleýmettik osal toptarǵa jylyna keminde 500 páter beriledi
«Esikten esikke» aktsııasy kezinde oblystyq máslıhat depýtattyǵyna úmitkerler Erbol Danaǵulov, Sulýpan Shyntasova, Kúlshat Masalımova aldymen kópbalaly ana Toty Medelbaevanyń shańyraǵyna bardy. Bes balanyń anasy taıaýda ǵana óz páterine kirgen. Jaıly qonysyna memlekettik baǵdarlama aıasynda qol jetkizgen. Úmitker Erbol Danaǵulov partııanyń saılaýaldy baǵdarlamasyn túsindirip, azamattardyń ómir súrý sapasyn arttyrý maqsatynda qolǵa alynǵan ıgi isterdi tanystyrdy.
«Nur Otan»partııasy turǵyn úı alý múmkindigin arttyrý maqsatynda keshendi sharalardy qoldanady. Oblysta memlekettik turǵyn úı baǵdarlamalary tıimdi iske asyrylyp jatqanyn kópshilik biledi. Aldaǵy bes jylda oblysta 3,9 mln sharshy metr turǵyn úı nemese 31 myń páter salynady. Jyl saıyn halyqtyń áleýmettik osal toptaryna keminde 500 páter berý, 2021-2025 jyldary jeke turǵyn úı qurylysy úshin 23 myń jer ýchaskelerin berý kózdeldi. Nátıjesinde oblystyń barlyq aýdanynda shamamen 28 myń otbasy turǵyn úımen qamtamasyz etiledi. Bul turǵyn úı kezegin 10 paıyzǵa tómendetýge múmkindik beredi. Biz sizderdi 10 qańtar kúni bolatyn saılaýǵa qatysyp, óz tańdaýyńyzdy jasaýǵa shaqyramyz. Partııa alǵa qoıǵan bar mindetti oryndaıdy», - dedi oblystyq máslıhat depýtattyǵyna úmitker Erbol Danaǵulov. Óz kezeginde kópbalaly ana Toty Medelbaeva saılaý kúni óz tańdaýyn jasaýǵa mindetti túrde baratynyn aıtty.
«Nur Otan» partııasy halyqqa jaqyn, ár azamatqa ashyq. Saılaýǵa qatysý bizdiń azamattyq mindetimiz dep esepteımin. Ózim Nur Otan-dy tańdap otyrmyn. Biz sizderdi qoldaımyz», - dedi Toty Medelbaeva.
Sonymen birge úmitkerler «Nur Aqtóbe» shaǵyn aýdanyndaǵy birneshe otbasymen kezdesip, «Esikten esikke» aktsııasy kezinde saılaýaldy baǵdarlamany taratyp, basymdyqtardy tanystyrdy. Kezdesý kezinde saýal joldaǵan qala turǵyny Baýyrjan Kádenov jastardy jumysqa ornalastyrý, kásip ashý jolyn bildi.
«Basty maqsat - jastardy eńbekke aralastyrý. «Nur Otan» partııasy jyl saıyn keminde 8 myń jasty jumysqa ornalastyrady. Óz isin ashýǵa jáne bıznes júrgizýge oblys ákiminiń 20-dan astam granty bólinedi. Joǵary oqý oryndary men kolledj túlekterin jumysqa ornalastyrý úshin iri kompanııalarmen arada kelisim jasalady. Qabyldanǵan sharalardyń nátıjesinde jastar arasyndaǵy jumyssyzdyq 3,3 paıyzdan 3 paıyzǵa deıin tómendeıdi», - dedi oblystyq máslıhat depýtattyǵyna úmitker Sulýpan Shyntasova.
Al Mýsınder otbasy qazir 16 bala tárbıelep otyr. Taıaýda ǵana jaıly úıge ornalasyp, qus baǵýdy kásip etken. Úmitkerlermen kezdesýde «Nur Otan» partııasyn qoldap, daýys beretinin aıtty.
«Biz turaqtylyqty qoldaımyz. Sóz emes, ispen dáleldegen, nátıjeli kórsetkishi bar partııa úshin daýys beremiz», - dedi Svetlana Mýsına.
Sonymen birge oblystyq máslıhat depýtattyǵyna úmitkerler Jıenalınder otbasynda boldy. On balanyń anasy Mıra Jıenalına úıde tigin tigedi, al otaǵasy qarapaıym jumysshy.
«Biz úshin balalarymyzdyń bolashaǵy mańyzdy. Olardyń balabaqshada tárbıelenip, jaqsy bilim alǵanyn qalaımyz. Eńbekke aralasyp, el úshin is qylsa, jetistigimiz osy bolar edi», - dedi Mıra Jıenalına.
«Nur Otan» partııasy jarqyn bolashaq úshin balabaqsha, mektep, aýrýhana qurylysyn áleýmettik baǵyttalǵan aımaq basymdyǵyna kiristirdi. Aldaǵy bes jylda 16 mektep salynyp, óńirde apatty, úsh aýysymdy mektep máselesi sheshiledi. Sonymen birge balabaqshalar jóndeledi. Em alý qoljetimdi bolady.
«2025 jylǵa deıin partııa emhanalarǵa 20 mınýttyq jáne dárigerlik ambýlatorııalarǵa 10 mınýttyq qoljetimdilikti qamtamasyz etý mindetin qoıdy. 15 densaýlyq saqtaý nysanyn salamyz. Onyń ishinde balalar ınfektsııalyq korpýsy, oblystyq ınfektsııalyq aýrýhana, Checkup jáne PET ortalyqtary, oblystyq qan ortalyǵy salynady. 2025 jylǵa deıin 28 densaýlyq saqtaý nysanyna kúrdeli jóndeý júrgiziledi. Qaterli isikti erte anyqtaý úshin keminde 20 myń adamǵa jyl saıynǵy skrınıng júrgiziledi. Munyń bári partııanyń saılaýaldy baǵdarlamasyna engizilgen naqty mindet. Bul sharalardyń barlyǵy 2025 jylǵa qaraı ómir súrý uzaqtyǵyn 75,5 jasqa deıin uzartý múmkindigin beredi. Sizderdi tańdaý jasap, partııaǵa daýys berýge shaqaramyz. Biz qıyndyqty birge eńseremiz», - dedi Erbol Danaǵulov.
«Nur Otan» partııasy Aqtóbe oblysynyń Saılaý qorynyń qarajatynan tólendi.
