Nur Otan: Aqtóbe oblysynyń barlyq aýyly aýyz sýmen qamtylady
Elimiz boıynsha Aqtóbede turǵyndardy sý jáne gazben qamtamasyz etý kórsetkishi joǵary. Nur Otan partııasy saılaýaldy baǵdarlamada bul baǵyttaǵy jumysty ári qaraı jalǵastyrýdy kózdeıdi. Qazirgi kezde oblystyń barlyq aýdan ortalyǵynda kógildir otyn bar. Al aldaǵy bes jylda taǵy 104 aýyl turǵyny gaz tutynady. Nátıjesinde óńirdiń 800 myń turǵyny, ıaǵnı, 68,9 paıyzy qamtylady. Aýyz sý qubyryn tartý kórsetkishi 100% jetedi. 2023 jylǵa deıin bul baǵyttaǵy jumys tolyq aıaqtalady.
«Partııa adamdardyń ómir súrý sapasyn arttyrý maqsatynda jeti basymdyqty naqtylady. Ekonomıka basymdyǵynda ınvestorlardy tartý, shaǵyn jáne orta bıznesti damytý jospary bar. Jyl saıyn 21 myń adam jumyspen qamtylady. Jol boıynda jańa kempıngter salynyp, týrızm salasyn damytý maqsatynda qonaqúıler boı kóteredi. Páter kezeginde turǵan adamdardyń baspanaly bolý múmkindigin arttyrý úshin bes jylda 3,9 mıllıon sharshy metr turǵyn úı salynady. Aýdan, aýyl arasyndaǵy baılanysty nyǵaıtyp, tranzıttik áleýetti arttyrý maqsatynda 2 myń shaqyrym jol kúrdeli jáne ortasha jóndeýden ótedi. Munyń bári bos sóz emes, naqty jospar, atqarylatyn is. Partııa halyqtyń turmys-tirshiligin odan ári kóterý úshin alǵa naqty mindet qoıdy. Daýys berip, qoldaýǵa shaqyramyn. Halyq demep, senim artsa, alynbaıtyn qamal joq. Biz qıyndyqty birge eńserip, jeńiske jete alamyz», - dedi Nurlan Davletov.
Kommýnaldyq mekeme qyzmetkerleri Alǵa aýdanyndaǵy turǵyn úı qurylysy, jol salý, aýyz sýmen qamtamasyz etý jáne medıtsına salasynyń damý jolyn surady. Úmitkerdiń aıtýynsha, aldaǵy bes jylda Alǵada 5 qabatty úsh turǵyn úı qoldanysqa beriledi. Jyl saıyn páter kezeginde turǵan muqtaj otbasylarǵa 30 páter úlestiriledi.
«Halyqty baspanamen qamtý máselesi árdaıym ózekti. Kez kelgen adam jeke úıiniń bolǵanyn qalaıdy. Nur Otan partııasy ár aýdanda qurylys jumysynyń júrgizilýin baqylaıdy. Alǵa aýdanynda 2023 jyly 4 kóp qabatty turǵyn úı termojańǵyrtýdan ótedi. 2020-2021 jyldary 41 oıyn alańynyń qurylysy júrgiziledi. Nátıjesinde aýdannyń 5 myńǵa jýyq turǵyny baspanamen qamtamasyz etiledi. Al medıtsınalyq mekemelerdiń jumysyna keler bolsaq, biz bıyl dárigerlerdiń erligin kórdik. Olar kún-tún demeı naýqastardyń janynda boldy, bar biliktiligin ortaǵa salyp, adam janyn arashalap qaldy. Aldaǵy bes jylda Sambaı, Marjanbulaq, Toqmansaı, Qarabulaq aýyldarynda medıtsınalyq pýnkt salynady. Alǵa qalasyndaǵy ortalyq aýdandyq aýrýhana, Qaınar, Taldysaı, Saryqobda, Amangeldi aýyldaryndaǵy medıtsınalyq pýnkt kúrdeli jóndeýden ótedi. Bul sharalardyń barlyǵy 2025 jylǵa qaraı adamdardyń ómir súrý uzaqtyǵyn 75 jasqa deıin arttyrýǵa múmkindik beredi», - dedi úmitker.
Nurlan Davletov Alǵa aýdanyndaǵy jol qurylysy jumystaryna jan-jaqty toqtaldy.
«Jol – ár aýdan ómiriniń basty arterııasy. Barlyq aýylda sapaly jol jáne jaqsy ınfraqurylym bolýy kerek. Búgingi kúni aýdandyq mańyzy bar avtomobıl joldarynyń uzyndyǵy 266,3 km quraıdy. Onyń 135,8 km nemese 51 paıyzy jaqsy jáne qanaǵattanarlyq jaǵdaıda. Aldaǵy bes jylda joldardyń sapasyn kezeń-kezeńimen jaqsartý josparlanyp otyr. Barlyǵy aýdandyq mańyzy bar 76 km jol jóndeledi. 2024 jyly Qaraqudyq aýylynan «Aqtóbe-Oral» tas jolyna deıin 8 km jol salynyp, 2025 jyly Qaraqudyq jáne Tikqaıyń aýyldaryndaǵy kópir qalpyna keltiriledi. Bul sharalar 2025 jylǵa qaraı jaqsy jáne qanaǵattanarlyq jaǵdaıdaǵy jergilikti joldardyń úlesin 15,3% -dan 81 paıyzǵa deıin arttyrýǵa múmkindik beredi», - dedi úmitker.
Nur Otan partııasynyń saılaýaldy baǵdarlamasynda qaýipsiz aımaq basymdyǵy týraly aıtylǵan. Kez kelgen adam ózin jaıly sezinýi úshin quqyq qorǵaý organdary tártipti baqylap otyr. Sońǵy jyldary jańa tehnologııalar engizile bastady. 2025 jylǵa deıin úsh qalada jedel basqarý ortalyǵy ashylady. Olar: Aqtóbe, Shalqar jáne Qandyaǵash qalalary. Óńirde taǵy 500 kamera ornatylady. Barlyǵy 16 ýchaskelik pýnkt jóndeledi. Qoǵamdyq kómekshiler sany 3 myń adamǵa kóbeıedi. Munyń bári qylmystyq aldyn alýǵa baǵyttalǵan jumys. Alǵalyq jumysshylarmen kezdesken úmitker Nur Otan-nyń saılaýaldy baǵdarlamasyna jan-jaqty toqtalyp, el erteńi úshin durys tańdaý jasaýǵa shaqyrdy. Partııa elimizdiń órkendeýi jáne árbir qazaqstandyqtyń ál-aýqaty úshin jumys isteı beredi.
«Nur Otan» partııasy Aqtóbe oblysynyń Saılaý qorynyń qarajatynan tólendi.