Nur Otan: Aqtaýdyń 13 shaǵynaýdanyn sport, balalar alańymen qamtyp, joldy jóndeımiz
«Ózgerister joly: Ár azamatqa laıyqty ómir» atty partııanyń 2021-2025 jyldarǵa arnalǵan saılaýaldy baǵdarlamasymen «Aqtaý elektr jelileri basqarmasy» qyzmetkerlerin qalalyq máslıhat depýtatyna kandıdattar Ergen Syrajanov pen Ǵanı Ábdisadyqov tanystyrdy.
Olar óńir men qalany damytý baǵdarlamasynyń mindetteri men maqsattary, basty basym baǵyttary týraly egjeı-tegjeıli aıtyp, jumysshylardyń suraqtaryna jaýap berdi.
Kezdesýde qatysýshylar abattandyrý, kógaldandyrý, tarıfterdi kóterý, joldardyń sapasy jáne basqa máseleler kóterildi.
Partııa azamattarymyzdyń ómir súrý sapasyn jan-jaqty arttyrýdy, árkimniń taza sýǵa, aýaǵa jáne sapaly joldarǵa qol jetkizýin qoldaıtynyn atap ótti.
Bul baǵytta qalany damytý jáne abattandyrý tujyrymdamasy aıasynda jumystar jalǵasady.
Aqtaýda qatty turmystyq qaldyqtar shyǵarý boıynsha arnaıy qoqys tasýshy tehnıkalar sany artady. Barlyq eldimekenderde qoqystardy sorttaıtyn, ıaǵnı bólek jınaýǵa arnalǵan konteınerler ornatylady.
Qalanyń jańa shaǵyn aýdandarynyń ortalyq kóshelerine jyl saıyn jasyl jelekter otyrǵyzý josparlanǵan. 2025 jylǵa qaraı uzyndyǵy 10 shaqyrym tamshylatyp sýarý jelisin aıaqtaý josparlanyp otyr.
Búgingi tańda Aqtaýda 36 myńǵa jýyq otbasy turady jáne qalada memlekettik turǵyn úı baǵdarlamalary tıimdi júzege asyrylýda.
2025 jylǵa qaraı kezekte turǵan muqtaj otbasylardy jeke turǵyn úımen qamtamasyz etý boıynsha sharalar qabyldanýda.
2021 jyly 19a jáne 33 shaǵyn aýdandarda 655 páterli 6 kóppáterli úıdiń qurylysy aıaqtalyp, 18 shaǵyn aýdanda 9 qabatty tórt turǵyn úıdiń qurylysy bastalady.
2021-2025 jyldary qalanyń 13 shaǵynaýdany sport, balalar alańdarymen, bordıýrlarmen, trotýarlarmen, turaq aımaqtarymen abattandyrylady, joldar jóndeledi.
Halyq qalaýlysy bolýǵa kandıdattar sondaı-aq Aqtaýda qalanyń jańa shaǵyn aýdandarynda ınjenerlik jelilerdi jańǵyrtý jáne salý jáne halyqty aýyz sýmen qamtamasyz etý basym baǵyttar bolyp tabylatynyn atap ótti.
Ol úshin partııa oblys ortalyǵyndaǵy sýmen jabdyqtaý jelileriniń 6,6 shaqyrymyn, jylýmen jabdyqtaý jelileriniń 6,8 shaqyrymyn, sý burý jelileriniń 2,5 shaqyrymyn qaıta jańǵyrtýǵa qol jetkizedi.
2025 jylǵa deıin jalpy uzyndyǵy 238,7 km jańa shaǵynaýdandarda ınjenerlik ınfraqurylym salý josparlanǵan.
Osy sharalardy iske asyrý Aqtaý qalasynyń 70 myńnan astam turǵyny úshin jaıly ómir súrý jaǵdaıyn jasaýǵa múmkindik beredi.
«Nur Otan» partııasy Mańǵystaý oblysy Aqtaý qalalyq Saılaý qorynyń qarajatynan tólendi
