Nur Otan: 2025 jylǵa qaraı Aqtaýda qaldyqty óńdeý jáne kádege jaratý úlesi 80 paıyzǵa jetedi

AQTAÝ. QazAqparat - Aqtaý qalalyq máslıhat depýtatyna úmitkerler - Ǵanı Ábdisadyqov, Kırıll Osın, Gúlden Imanǵalıeva jáne Ergen Syrajanov mereke kúnderi «Adver», «Bereket-F» jáne Kaz Fruit Company ujymdarymen kezdesti, dep habarlaıdy QazAqparat.

Kezdesýde Aqtaý qalalyq máslıhat depýtatyna kandıdattar úsh kompanııanyń qyzmetkerlerin partııanyń saılaýaldy baǵdarlamasymen egjeı-tegjeıli tanystyryp, óńirdi damytýdyń 2021-2025 jyldarǵa arnalǵan mindetteri men basty basym baǵyttary týraly aıtyp berdi. Olardyń talqylaýynda áleýmettik máseleler basta nazarǵa ilikti.

Kásiporyn qyzmetkerleri men eski shaǵyn aýdandardyń turǵyndary turǵyn úılerdiń, mektepter men balabaqshalardyń janyndaǵy avtoturaqtardy keńeıtýdi, fýtbol alańdaryn salýdy, qalanyń jasyl jelekterin sýarýdy jáne kútip ustaýdy jaqsartýdy surady.

Shtab músheleri qala turǵyndary qoǵamymyzda aınalaǵa uqypty qaraý mádenıetin qalyptasýyna atsalysýǵa jáne óndiris pen turmysta taza ekologııalyq tehnologııalardy engizýdi qoldaýy tıis ekenin atap ótti.

Aqtaý qalasy boıynsha «Nur Otan» partııasynyń saılaýaldy baǵdarlamasynda qalanyń jańa shaǵyn aýdandaryndaǵy ortalyq kóshelerge jyl saıyn jasyl jelekterdi otyrǵyzýdy, sondaı-aq qalanyń jasyl jelekterin sýarý jáne kútip ustaý boıynsha tıimdi jáne uzaq merzimdi jumystardy uıymdastyrýdy kózdeıdi. 2025 jylǵa qaraı uzyndyǵy 10 shaqyrym tamshylatyp sýarý júıesin salý aıaqtalady.

Ruqsat etilmegen qoqys úıindisin joıý jáne qoqys úıindileriniń paıda bolý múmkindigin azaıtý jónindegi sharalardy kúsheıtedi. Qatty turmystyq qaldyqtardy shyǵarý boıynsha arnaıy tehnıka, qoqys tasyǵyshtardyń sanyn kóbeıtedi. Barlyq eldimekenderde, sonyń ishinde qoqysty bólek jınaýǵa jáne QTQ jınaýǵa arnalǵan konteınerler ornatylady. Maýsymdyq senbilik ótkizý sany jylyna 20 esege deıin artady. Nátıjesinde, 2025 jylǵa qaraı qala boıynsha QTQ-ny qaıta óńdeý jáne kádege jaratý úlesi 80%-dy quraıdy.

2025 jylǵa deıin qalanyń barlyq shaǵyn aýdandaryndaǵy aýla kósheleri jaryqpen qamtylady. 2021-25 jyldar aralyǵynda qalanyń 48, 5 myń sharshy metr ishki shaǵyn aýdandyq joldaryna aǵymdaǵy (shuńqyrly) jóndeý júrgiziledi.

«Bizdiń baǵdarlama týǵan qalany keshendi damytýǵa baǵyttalǵan. Partııa naqty sharalar usynady. Biz sizderdi saılaýda partııany qoldaýǵa shaqyramyz», - dep qorytyndylady Osın jáne Imanǵalıeva.

«Nur Otan» partııasy Mańǵystaý oblysy Aqtaý qalasynyń Saılaý qorynyń qarajatynan tólendi.