«Nur múbarak» ýnıversıtetiniń janynan myqty ýaǵyzshylar daıyndaıtyn ortalyq ashylady

ASTANA. QazAqparat - Búgin «Ekspert» pikirtalas klýbynyń kezekti otyrysynda «Qazaqstannyń ımamdary teris dindi ýaǵyzdaýshy sheteldik teologtardyń ýaǵyzdaryna qarsy tura ala ma?» degen suraq týyndady. QMDB tóraǵasynyń orynbasary, Astanadaǵy «Áziret Sultan» meshitiniń bas ımamy Serikbaı qajy Oraz Qazaqstannyń ımamdardyń bilimi tómen degen pikirmen kelispeıtinin aıtty.

«Qazirgi kezde bizdiń jamaǵatymyzdyń ishinde kúndelikti namaz oqyp júrgenderdiń 30 paıyz shamasy basqa aǵymdardyń ókilderi. Imamdarǵa qurmetpen qaraıdy, ýaǵyz tyńdaǵan keıip tanytyp otyrady. Biraq, negizgi ıdeologııalyq kúshti, negizgi baǵytty ınternet arqyly syrttaǵy sheıhtardan, nemese sol teris aǵymdaǵy teologtardan alady. «Bizdiń ımamdarymyz sol ınternettegi teris aǵymdaǵy teologtarǵa qarsy turaty alatyn deńgeıde me?» desek, «árıne, sondaı deńgeıde» dep jaýap beremin. «Bizdiń ımamdarymyzdyń ıdeologııasy teris aǵymǵa shaqyratyn teologtardyń deńgeıinen tómen» degen pikirge kelispeımin»,-dedi ımam.

Al, Din isteri komıtetiń tóraǵasy Ǵalym Shoıkınniń aıtýynsha, 2016 jyldyń 1-qyrkúıeginen bastap «Nur múbarak» ýnıversıtetiniń janynan myqty ýaǵyzshylardy daıyndaıtyn ortalyq ashylady.

«Jalpy, ımamdardy daıarlaýǵa keletin bolsaq, meniń aıtarym, sońǵy jyldary ımamdardyń biliktiligin arttyrý boıynsha kóp jumystar atqaryldy. Serikbaı qajynyń  sózine qosylamyn, ımamdardy attestatsııadan ótkizý júıesi qosyldy. Elimizdegi jáne sheteldegi  ilgerli oqý oryndarmen kelisisózder júrgizip, osyndaı kadrlardy daıyndaý máselesi talqylanady. Joǵary oqý oryndardyń ózi ıedologııalyq kúreske 100 paıyz qarsy tura alatyn mamandar daıarlap shyǵa almaıdy. Olar dinı amaldarǵa úıretedi. Sondyqtan, biz memlekettik organdar ımamdarǵa kómektesýimiz kerek. 1 qyrkúıekten bastap «Nur Múbarak» ýnıversıtetiniń janynan eki ortalyq qurylady dep úmittenip otyrmyz.  Birinshi ortalyq - dinı ekstremızım men terrorızmge qarsy turatyn din mamandaryn daıarlaıtyn ortalyq. Ekinshisi - kásibı dinı ýaǵyzshylardy daıyndaıtyn ortalyq bolady», - dep habarlady Ǵ.Shoıkın.

Bul rette,  Komıtet tóraǵasy «ımamdar nege balalar men jastarǵa ýaǵyz júrgizbeıdi?» degen suraqqa jaýap bere otyryp, «mektepterge baryp, ýaǵyz júrgize almaımyz. Biz zaıyrly memleketpiz. Memlekettik jáne memlekettik emes uıymdarǵa, zaýyttarǵa da bara almaımyz», - dedi.