NUR.KZ Qazaqstandaǵy eń iri jańalyqtar beıneportalyn iske qosty
NUR-SULTAN. QazAqparat - NUR.KZ IT-kompanııasynyń ázirleýshiler komandasy NUR TV News jańalyqtar beıneportalyn iske qosty, dep habarlaıdy QazAqparat.
Endi 30 myńǵa jýyq adam óz tańyn beınejańalyqtar kórýden bastaıdy. NUR TV platformasy aıyna 10 mln-nan astam, al beınesıýjetter táýligine 250 myńnan astam qaralym jınaıdy.
«Beınetaspalary bar jańalyqtar materıaldary paıdalanýshylarǵa ádettegi jańalyqtarǵa qaraǵanda kóbirek unaıdy. Bul bizdi beınejańalyqtar taspasy úzdiksiz jańartylatyn jeke resýrsty qurýǵa ıtermeledi», - dedi NUR.KZ saıtynyń bas redaktory Leıla Temirhanova.
Servıs aıyna 600 myńnan astam biregeı paıdalanýshylardy qamtıdy. Beıneportal úshin qazaqstandyq TV-arnalarynyń eń mańyzdy jańalyqtary irikteledi. NUR TV News «KTK», «31 arna», «Habar 24», «Azattyq radıosy», «Sputnik Kazahstan», «Almaty TV» jáne «Astana TV» kompanııalarymen yntymaqtasady.
Aıta ketý kerek, beıneportal komandasy Euronews jáne BBC iri álemdik kontent óndirýshilerimen kelissózder júrgizýde.
