Nur-Cultanda pırotehnıkadan eshkim zardap shekken joq - basqarma
NUR-SULTAN. QazAqparat – Jańa jylda elordada 125 jedel járdem brıgadasy kezekshilik atqaryp, 1 400-den astam shaqyrtýlarǵa bardy, dep habarlaıdy QazAqparat qalalyq qoǵamdyq densaýlyq saqtaý basqarmasyna silteme jasap.
«1 qańtar túninde Nur-Sultanda «103» qyzmetiniń dıspetcherleri turǵyndardan 2 300 qońyraý qabyldap, 1 400-den astam shaqyrtýlarǵa qyzmet kórsetti. Qońyraýlardy 13 dıspetcher qabyldady jáne qyzmetkerler arasynan 355 feldsher men júrgizýshi shaqyrtýlarǵa shyqqan. Jalpy 1 qańtarǵa qaraǵan túni 125 jedel medıtsınalyq kómek brıgadasy azamattardyń shaqyrtýlaryna qyzmet kórsetken, onyń ishinde alǵashqy medıtsınalyq sanıtarlyq kómek uıymdarynyń brıgadalary da bar», - delingen basqarma habarlamasynda.
Barlyq qalalyq aýrýhanalar da kúsheıtilgen rejımde jumys istegen. Ol úshin qosymsha palatalar men tósek-oryndardy uıymdastyrý qarastyrylǵan.
«Osylaısha, elordalyq klınıkalardyń eki júzge jýyq medıtsına qyzmetkeri jańa jyl túninde kezekshilik etti. Olardyń quramynda barlyq kásibı mamandar: travmatologtar, hırýrgtar, akýsher-gınekologtar, reanımatologtar jáne basqalary medıtsınalyq qyzmet kórsetken», - deıdi qalalyq qoǵamdyq densaýlyq saqtaý basqarmasy.
Sonymen birge, basqarmanyń habarlaýynsha, jańa jyl túni pırotehnıkadan eshkim zardap shekken joq.
Aıta keteıik, jeltoqsannyń 31-inen qańtardyń 1-ine qaraǵan túni elordada 16 náreste dúnıe esigin ashty.
