Nur-Cultanda qurylys nysandarynyń biri karantınge jabyldy
NUR-SULTAN. QazAqparat - Nur-Sultanda qurylys nysandarynyń biri karantınge jabyldy, dep habarlaıdy QazAqparat tilshisi Nur-Sultan qalasy ákimdiginiń baspasóz qyzmetine silteme jasap.
Skrınıng barysynda qurylys kompanııasynyń ınjenerinen koronavırýs anyqtalǵan. Algorıtmge sáıkes, qurylys kompanııasynyń 600-den astam qyzmetkeri synaqtan ótip, 63 adamda koranavırýs rastalǵan. Olardyń bári qazir statsıonarda. Ákimdik barlyq aýmaq dezınfektsııalanǵanyn jarııalady.
«21 mamyrdaǵy jaǵdaı boıynsha Nur-Sultanda 10 nysan karantınde. Nur-Sultanda barlyǵy 1 403 koroonavırýs jaǵdaıy tirkelip, 633 naýqas emdelip shyqty. Ákimdiktiń mobıldi toby polıtseılermen jáne epıdemıologtarmen birlesip kúndelikti negizde nysandardyń sanıtarlyq normalardy saqtaýy boıynsha reıd júrgizedi. Sanıtarlyq normalardy buzǵany úshin elordada 25 nysan jabyldy. Olardyń ishinde qurylys kompanııalary, dúkender, kafeler, meıramhanalar bar. Qatań sanıtarlyq-epıdemıologııalyq normalardyń saqtalýyn qamtamasyz etpeıinshe nysandar ashylmaıdy. 150 kásiporyn eskertý aldy. Qatań erejeler koronavırýstyń taralýyna jol bermeý maqsatynda qabyldandy», - delingen habarlamada.
