«Nur Tselına» JShS-i aýyl turǵyndaryn bopsalap qorqytýda - Prezıdentke joldanǵan hattardan
ASTANA. Qazannyń 31-i. QazAqparat /Arman Asqarov/ - Soltústik Qazaqstan oblysy, Aıyrtaý aýdanyndaǵy Lavrovka aýylynyń turǵyndaryna bir jyldan beri jalaqy tólenbeı keledi.
Bul týraly búgin Prezıdenttiń halyqpen tikeleı efır arqyly tildesýine oraı Astanada jumys istep jatqan Baılanys ortalyǵyna Lavrovka aýylynyń turǵyndary habarlasyp, osy máseleni kóterdi, dep habarlaıdy QazAqparat.
Olardyń habarlaýynsha, bas keńsesi Almaty qalasynda ornalasqan «Nur Tselına» JShS-i bir jyldan beri halyqty aldap, olarǵa tıesili jalaqylaryn tólemeı jatyr. Qazrgi kezde qaryzdyń jalpy somasy 28 mln. teńgege deıin jetti. «Búgingi tańda úı sharýasy men bala-shaǵasy bar 100-den astam otbasy nansyz otyr deýge bolady. Sebebi bizge bir jyldyq jalaqy tólenbeı keledi. Osynyń saldarynan biz óz kúshimizben ǵana kún kórýge májbúrmiz»,-deıdi aýyl turǵyndarynyń biri. Óz sózinde ol aty-jónin qupııada saqtaýdy ótindi. «Sebebi olar qaıtadan jumystan shyǵaramyz dep bopsalaýy ábden múmkin»,-dedi ol.
