«Nur-Astana» meshitiniń Bas ımamy barsha musylman qaýymyn aldaǵy Naýryz meıramymen quttyqtady

«Árıne, eń birinshi, búgingi qasıetti juma kúni barsha musylman qaýymyna múbárak bolsyn. Osy kúni jasaǵan bizdiń barlyq ǵıbadattarymyz qabyl bolsyn! Al endi aldymyzda kele jatqan Naýryz merekesi barsha qazaqstandyqtarǵa qutty-berekeli bolsyn! Jalpy, bul merekeni dinmen baılanystyrýdyń qajeti joq. Bul - eldik mereke. Naýryz - qazaq halqynyń ejelden toılap kele jatqan meıramy, jýannyń jińishkerip, jińishkeniń úziletin shaǵy, qystan aman-esen shyǵyp, máre-sáre bolatyn kez. Kún men tún teńeletin osy bir ulttyq meıramymyz resmı túrde 1991 jyldan beri toılanýda. Baıqap qarasaq, ony atap ótý aýqymy jyl ótken saıyn keńeıýde. Árıne, Naýryzdy bir el bolyp toılaý - jaqsylyqtyń nyshany. Bul mereke bir qazaq halqynyń meıramy emes, Qazaqstannyń keń baıtaq jerin mekendep jatqan barsha ulttar men ulystardyń ortaq meıramy bolýy tıis. Sondyqtan osy qasıetti juma kúni bizdiń Alla taǵaladan suraıtynymyz, ol - bizdiń merekeli de berekeli kúnderimiz kóp bolsyn! Jaratqan ıemiz qaıǵy-qasiretten saqtasyn! Búkil jamaǵat el bolyp birigip, osy Naýryz sııaqty merekelerde arqa-jarqa bolyp, toıdan-toıǵa jetýge Alla taǵala násip etsin!», - dedi ol óz sózinde.