«Nur Astana» meshitine jańa I-naıb ımam taǵaıyndaldy

ASTANA. 8 sáýir. QazAqparat - Jaqynda QMDB-nyń tóraǵasy, Bas múftı Erjan qajy Malǵajyulynyń buıryǵymen Astana qalalyq «Nur Astana» meshitine Naýryzbaı Taǵanuly Ótpenov I-naıb ımam bolyp taǵaıyndaldy. Bul týraly muftyat.kz habarlady.

Naýryzbaı Taǵanuly Ótpenov 1997 jyly Tashkenttegi «ımam ál-Buharı» atyndaǵy Islam ınstıtýtyn bitirip, Ońtústik Qazaqstan oblysy, Túlkibas aýdany, «Kókirek ata» meshitinde ımamdyq qyzmet atqarǵan.

1998-2000 jyldary QMDB janyndaǵy eki jyldyq Islam ınstıtýtynda bilimin jetildirgen.

2001-2006 jyldary ShQO, Aıagóz aýdanynyń bas ımamy, Almaty qalasyndaǵy «Mekke» meshitiniń naıb ımamy;

2006-2011 jyldary QMDB-nyń Qaraǵandy óńirindegi ókil ımamy, Qaraǵandy qalalyq №1 ortalyq meshitiniń Bas ımamy;

2011 jyldyń sáýir-qyrkúıek aralyǵynda Almaty qalasyndaǵy «Mekke» meshitiniń Bas ımamy;

2011-2013 jyldary Qazaqstan Respýblıkasy Din isteri agenttigi Dinı birlestiktermen baılanystar jónindegi basqarmasynyń bas sarapshysy qyzmetin atqardy.