«Nur Astana» meshiti ıslamdy qabyldaǵan basqa ult ókilderine aýyzashar berdi
ASTANA. 29 shilde. QazAqparat -Allaǵa shúkir, túri basqa, tili basqa, dini basqa ult ókilderi arasynan ıslamnyń aqıqattyǵyn túsinip, tilin kálımaǵa keltirip, musylman atanyp jatqandar elimizde barshylyq.
Qasıetti Ramazan aıynda Astanadaǵy ıslam dinin qabyldaǵan ózge ult ókilderine «Nur Astana» ortalyq meshitiniń uıytqy bolýymen arnaıy dastarhan jaıylyp, aýyzashar berildi. Áýelgi aýyzashar 21 shilde kúni bolsa, araǵa jeti salyp, olardyń ózara yntymaǵy artsyn ári ýaǵyz-nasıhat bolsyn degen nıetpen «Astana» medresesinde jáne bir aýyzashar uıymdastyryldy. Bul týraly «Nur Astana» ortalyq meshitiniń baspasóz qyzmetinen habarlady.
Osy qos aýyzasharǵa «Nur Astana» ortalyq meshitiniń naıb ımamy Ashat Salımov qatysyp, ıslam dinin qabyldaǵan baýyrlarǵa orazanyń qadir-qasıeti jaıynda ýaǵyz-nasıhat aıtyp ótti. Olar da meshit tarapynan ózderine kórsetilip jatqan qurmetke rızashylyqtaryn jetkizip, Ramazan aıyna degen júrekjardy tilekterin bildiristi.
Aıta keteıik, ıslam dinin qabyldaǵan bulardyń barshasy jat aǵymdardan ada jandar.
Aýyzashar sońynda arnaıy Quran oqylyp, onyń saýaby dúnıeden ótken kúlli árýaqtardyń rýhyna baǵyshtaldy.
