Nur Alem mýzeıine kirý balalarǵa tegin bolady

ASTANA. QazAqparat – 3 qańtarǵa deıin Nur Alem bolashaq energııasy murajaıyna kirý 12 jasqa deıingi balalarǵa tegin bolady, dep habarlaıdy QazAqparat «QazExpoCongress» kompanııasynyń baspasóz qyzmetine silteme jasap.

«Elordanyń kórikti jerleriniń biri – NUR ALEM bolashaq energııasy murajaıy 31 jeltoqsannan 3 qańtarǵa deıin 12 jasqa deıingi balalar úshin tegin jumys isteıdi. Sondaı-aq, murajaı mereke kúnderi jańa jumys kestesine kóshedi:

- 1 qańtar saǵat 14:00-den 20:00-ge deıin

- 2-8 qańtar saǵat 10:00-den 20:00-ge deıin.

Murajaı mańynda ashyq aspan astyndaǵy muzaıdyny bar. Muzaıdynnyń aýdany - 1 300 sharshy metr. Bir saǵattyq seansqa konkıdi jalǵa alý quny – 500 teńge, al óz konkıimen kelgender tegin kire alady. Kelýshilerge yńǵaıly bolý úshin kıim aýystyratyn bólme, qoǵamdyq tamaqtaný oryndary jáne táýlik boıǵy 3 myń kólikke arnalǵan jerasty parkıngi qarastyrylǵan.

Muzaıdynnyń jumys kestesi:

- jumys kúnderi saǵat 12:00-den 23:00-ge deıin

- demalys kúnderi saǵat 10:00-den 23:00-ge deıin.

Al, balalarǵa arnalǵan syrǵanaqta óz ballondarymen syrǵanaı alady. Bıiktigi – 5 metr, uzyndyǵy – 14 metrden asady. Sondaı-aq, tıýbıngilerdi jalǵa berý pýnkti bar. 2 saǵattyq seansqa jalǵa alý quny – 1 000 teńge.

Balalar syrǵanaǵynyń jumys kestesi:

- saǵat 12:00-den 21:00-ge deıin.

Aıta ketsek, 1-15 qańtar aralyǵynda EXPO keshenine kelýshiler kólikterin parkıngke tegin qoıa alady.