Nuh paıǵambardyń kemesi dóńgelek bolǵan
ASTANA. Qańtardyń 12-si. QazAqparat - Ańyzdaǵy Nuh paıǵambardyń kemesi (nemese onyń prototıpi) dástúrli uǵymdaǵy keme sııaqty bolmaǵan - qamystan jasalǵan asa úlken dóńgelek denege uqsas bolǵan. Jasy shamamen 3700 jyldy quraıdy dep baǵalanǵan vavılondyq qysh tabaqshadaǵy topan sýdan qutqarǵan kemeniń sıpatyn oqýǵa qol jetkizgen brıtandyq murajaıdyń zertteýshisi Irvıng Fınkel osyndaı uıǵarymǵa keldi,
dep habarlaıdy QazAqparat Lenta.rý saıtyna silteme jasap.
Topan sý týraly akkad ańyzynyń bul baıanynda qudaı padısha Atrahasıske onyń óz úıin buzýyn jáne qaıyq jasaýy kerektigin, sondaı-aq ómirin saqtap qalýy úshin múlkin tárik etýin aıtady. Qudaıdyń aıtýynsha, qaıyqtyń qabyrǵalary qamystan jasalýy jáne dóńgelek pishinde bolýy tıis: onyń eni men uzyndyǵy birdeı bolýy kerek. Odan ári tabaqshada keme qurylysy úshin sý ótkizbeıtin bıtýmmen japsyrylǵan palma talshyqtaryn paıdalaný usynylǵan.
Fınkel topan sýdan qutqarýǵa arnalǵan kemeden eshqaıda da júzý talap etilmegenin, tek sýdyń betinde qalqyp júrse jetkilikti bolǵanyn atap aıtady. Onyń aıtýynsha, mundaı dóńgelek qaıyqtar qazir Irakta jáne Iranda paıdalanylady.
