Nuh paıǵambardyń áıgili kemesi qazaq jerinde qalǵan - germanııalyq ýfolog Gız Volfskıner
ASTANA. 27 qazan. QazAqparat - Germanııalyq ýfolog Gız Volfskıner Nuh paıǵambardyń áıgili kemesi qazaq jerinde qalǵanyna shák keltirmeıdi.
Ol Qazaqstan aýmaǵynda adamzattyń jerden tys paıda bolýy týraly teorııaǵa dálel bar dep otyr.
Bul týraly «Ekspress K» gazetiniń tilshisi Rústem Omarov jazady. Onyń málimetinshe, ejelgi dinı ádebıet úlgilerin muqııat zerttegen nemis ǵalymy ańyzda aıtylatyn Nuh paıǵambardyń ǵajaıyp qonysy ǵalamshararalyq keme degen qorytyndyǵa kelgen. Ǵalymnyń joramaly boıynsha, belgili bir kezeńderde aspan deneleriniń bireýi tirshilik úshin jaramsyz bolyp qalady. Esesine tirshilik ıeleri sol ǵalamnyń bar ereksheliginen qol úzip, kelesi bir keńistikten meken tabýy múmkin. Adamzat ta Jerge ózge álemdegi joıqyn apattan qashyp kelgen bolýy yqtımal. Volfskınerdiń aıtýynsha, ańyzdardaǵy tuspalǵa qaraǵanda, Nuh kemesi aıaldaǵan qurlyqaralyq ortalyq - Qazaqstan aýmaǵy. Qazaq jerinen keleshekte soǵan naqty dálelderdiń tabylýy kádik, dep jazady «Alash aınasy» basylymy.
