NTV: Túrkııada tyıym salynǵan FETO uıymynyń 400-ge jýyq jaqtasy ustaldy

ASTANA. KAZINFORM – Túrkııa polıtsııasy jergilikti bılik 2016 jylǵy 15 shildede respýblıkada tóńkeris jasamaq boldy dep aıyptap otyrǵan FETO uıymymen baılanysy bar degen kúdikpen 371 adamdy ustady. Bul týraly NTV telearnasy habarlady.

Telearna keltirgen málimetterge qaraǵanda, operatsııa bir mezgilde eldiń 60 provıntsııasynda júrgizilgen. Quqyq qorǵaý qyzmetiniń jumysyn Izmır qalasynyń prokýratýrasy úılestirgen.

NTV sonymen qatar Túrkııanyń Ulttyq barlaý uıymy men Ystanbuldyń qaýipsizdik basqarmasy eldiń 9 provıntsııasynda uıymdastyrǵan operatsııa barysynda FETO uıymynyń baqylaýyndaǵy qarjy qurylymdaryna qatysy bar degen kúdikpen 26 adamdy ustaǵanyn habarlady.

Tyıym salynǵan uıymnyń baqylaýyndaǵy saýda jelisi dúkenderinde basqarýshy retinde jumys isteıtin adam syrttan kelgen, dep habarlaıdy telearna.

Osylaısha 2016 jyldyń 15-16 shildesi aralyǵynda áskerıler men qatardaǵy azamattardan quralǵan top tóńkeris jasamaq bolǵanda 250-den astam adam mert bolyp, 2,2 myń adam jaraqat aldy.

Túrkııa bıligi FETO uıymynyń jaqtastaryn sońǵy adamyna deıin quryqtamaıynsha toqtamaıtynyn birneshe márte málimdegen bolatyn.

Osyǵan deıin Túrkııada terrorızmge kúdikti 33 adam qamaýǵa alynǵany týraly jazdyq.