«NTV-Plıýs» pen MSN ınternette fýtboldy kórsetýge kelisti
ASTANA. Sáýirdiń 23-i. QazAqparat - MSN portaly men «NTV-Plıýs» telearnasynyń agenti TV Scope reseılik fýtbol premer-lıgasynyń oıyndaryn ınternette tegin kórsetý týraly kelisimge keldi. MSN tegin kórsetilimderin mamyr aıynyń ortasyna deıin júrgize alady, al sosyn óz qyzmetin paıdalanýshylaryna árbir kórsetilim úshin - ár oıyndy tamashalaýǵa 40 som tólemin engizbek. Bul týraly reseılik «Vedomostı» gazeti jazady.
Microsoft kompanııasynyń ókili Pavel Cherkashınniń aıtýynsha, MSN eń mańyzdy matchtardy tegin kórsetýge múmkindik tabýǵa úmit artady. Al, onyń ornyna óz portalynyń «NTV-Plıýske» ne usyna alatynyn Cherkashın ashyp aıtpady. TVscope kompanııasynyń bas dırektory Aleksandr Pıotrovskııdiń aıtýynsha, telearna tegin kórsetilimderin jalǵastyrýǵa bolatyndaı sharttaryn da usynǵan. Nendeı sharttar ekeni jaıynda da aıtylmaıdy.
Sonymen, MSN saıtynyń fýtbolǵa arnalǵan betinde taǵy alty matchty - Reseı chempıonatynyń aldaǵy jetinshi, segizinshi jáne toǵyzynshy týrlarynyń eki oıynyn paıdalanýshylar tegin kóre alady.
