Ənshi Ómirqul Aınııazovqa «Qazaq tili» medali tabys etildi
TALDYQORǴAN.QazAqparat - Qazaq estradasynyń belgili ənshisi Ómirqul Aınııazovqa «Qazaq tili» medali tabys etildi, dep habarlaıdy QazAqparat tilshisi. Ənshi bul jóninde óziniń Instagramdaǵy paraqshasynda jarııalady.
«Bul meniń tyńdarmandarymnyń jeńisi»,- dep súıinshi suraǵan Ómirqul Aınııazovty quttyqtap jatqandardyń qarasy qalyń.
Aıta ketý kerek, Ómirqul Aınııazov dəstúrli ənderdi estradaǵa shyǵarǵan tanymal, əri halyqtyń súıikti ənshisi. «Elim meniń», «Aq jaınaq», «Aqtańgereıdiń termesi», «Baıtaq elim» syndy ənderin halyq súıip tyńdaıdy. Ol 1978 jyly Qyzylorda oblysynyń Qazaly aýdanynda dúnıege kelgen. Óziniń suhbattarynda segiz aılyǵynan bastap ata-əjesiniń tərbıesinde bolǵanyn aıtqan edi. Qońyr daýysty, tyńdarmany kóp óner tulǵasy Taldyqorǵan qalasyndaǵy «Súıinbaı» atyndaǵy fılarmonııasynda da óner kórsetti.
