Ənshi Merýert Túsipbaeva sý tasqynynan zardap shekken aqtóbelikterge tegin kontsert bermek
ASTANA. QazAqparat - Ənshi Merýert Túsipbaeva sý tasqynynan zardap shekken aqtóbelikterge tegin kontsert bermek. Bul jaıynda ənshi óziniń Feısbýktegi paraqshasynda jazdy, dep habarlaıdy QazAqparat.
"Dúısenbi kúni Aqtóbege ushpaqshymyn. Qudaı qalasa Mahabbatqa kitaptardy óz qolymmen tabystaımyn. Aqtóbede tanys joq. Sol úshin əkimshilik habarlassa mektep sport zalyn panalaǵan 600 adamǵa tegin kontsert berer edim, - dep jazdy ol.
Onyń atap ótýinshe, FB-daǵy jazbasyn oqyǵan "Atamura" korporatsııasy ənshi arqyly Mahabbattyń sýǵa ketken kitaptaryn berip jiberetindikterin aıtqan.
Aıta keteıik, əleýmettik jelide Mahabbat esimdi aqtóbelik oqýshy qyzdyń vıdeosy taraǵan bolatyn. Onda oqýshy qyz óziniń búkil oqýlyǵynyń sýǵa ketkenin aıtyp jylaǵan edi.
