N.Sats atyndaǵy teatrdy jańartýǵa nelikten 24 mlrd teńge bólindi — Dosaev jaýaby

ALMATY. KAZINFORM — Almaty ákimi Erbolat Dosaev Áýezov aýdanynda halyqpen kezdesti.

Ákim baıandama barysynda N. Sats atyndaǵy balalar men jasóspirimderge arnalǵan teatrdy rekonstrýktsııalaý jumystary naýryz aıynda bastalǵanyn aıtty. Joba quny — 23,9 mlrd teńge. Jańartý jumystaryn 2026 jyldyń maýsym aıynda aıaqtaý josparlanǵan.

Sondaı-aq suraq-jaýap sessııasy barysynda Erbolat Dosaev jobaǵa nelikten qomaqty qarajat bólingenin túsindirdi.

— Qala ákimi retinde jobamen jeke ózim aınalystym. Onda barlyq norma saqtalǵan. Al joba baǵasy memlekettik saraptama negizinde belgilendi. Biz birde-bir jobany óz qalaýymyz boıynsha oryndamaımyz. Qaladaǵy baǵalardy jáne tek rekonstrýktsııa emes, jańa sahna salynatynyn eskersek, bul oıǵa qonymdy baǵa. Eger kim teksergisi kelse, Іshki memlekettik aýdıt departamenti ne basqa jaýapty mekemelerge júgine alasyzdar, — dedi ol.

Eske salaıyq, buǵan deıin N.Sats atyndaǵy teatr qalaı jańaratynyn jazǵanbyz.