Novosibirdegi qazaqtar ana tilin úırenip jatyr

ASTANA. QazAqparat - Pavlodar oblysynyń tilderdi damytý jónindegi basqarmasy úshinshi jyl qatarynan shekaralas óńirlerde tegin qazaq tilin oqytý kýrstaryn uıymdastyrýda, dep habarlaıdy pavlodarnews.

Bıylǵy jyly sharanyń saltanatty ashylýy  Novosibir oblysy Qarasýyq aýdanynda ótti. Oǵan oblystyq tilderdi damytý jónindegi basqarmasynyń basshysy Sáýle Osmanova, Qarasýyq aýyldyq okrýginiń ákimshiligi, aqsaqaldar keńesi jáne qoǵam ókilderi qatysty.

Kýrstyń maqsaty  kórshi elde turatyn otandastarmen mádenı baılanystardy damytý jáne nyǵaıtý,  qazaq dıasporasynyń ókilderine ana tilin meńgerý úshin ádistemelik jáne uıymdastyrýshylyq qoldaý kórsetý bolyp tabylady.

Qazaq tilin oqytý kýrstary Naýryz meıramy merekesin ótkizý sheńberinde oblysta jarııalanǵan tilder merekesimen tuspa-tus dál keldi. Qazaq dıasporasynan jergilikti 50 ókili  «Qazaq tiliniń ıntensıvtik kýrsy» atty jańa ınnovatsııalyq ádis arqyly tildi meńgeredi. Qazaq tilin oqytýǵa arnalǵan kýrstardy kóptegen oqý-ádistemelik quraldardyń avtory, kitaptardy ázirleýshi, jetekshi ári tájirıbeli qazaq tili mamany  Sholpan Kınjıkova júrgizedi.

Aıta keteıik, atalmysh shara Pavlodar oblysy Reseı Federatsııasynyń shekaralas óńirlerimen uzaq merzimdi mádenıetaralyq yntymaqtastyqty iske asyrý, tilderdi damytý men qoldanýdyń 2011-2020 jyldarǵa arnalǵan memlekettik baǵdarlamasynyń tarmaǵy sheńberinde júzege asyryldy.