Novosibirde lotereıadan rekordtyq 358 mln. rýbl utqan bılet ıesi tabylmaı jatyr
ASTANA. QazAqparat - Novosibir qalasynda baqytty lotereıalyq bılettiń ıesin taba almaı jatyr. Esimi ázirge belgisiz bolyp otyrǵan adam Reseı úshin rekordtyq soma - 358 mln. rýbl utyp alǵan.
TASS-tyń habarlaýynsha, bul qalanyń turǵyny 358 358 456 rýbl utqan. Ony bılettegi 11, 13, 45, 42, 1 jáne 7 sandary baqytty etti.
Tabysqa jetken adam utys oınatylǵannan keıin bir táýlik ýaqyt ótkenimen, aqshasyn alý úshin áli kelmegen. Onyń bıletti joǵaltyp alýy nemese onyń bar ekenin umytyp ta qalýy múmkin. Bul jaǵdaıda qomaqty aqsha somasy lotereıa qorynda qalady.
Atap óteıik, Reseı úshin lotereıada buǵan deıingi rekordtyq utys nebári 202 mln. rýbldi quraǵan.
