Novosibirde kólik aýdarylyp, úsh jaıaý júrginshi ajal qushty
ASTANA. QazAqparat - Búgin túnde Novosibir qalasynda sheteldik kóliktiń qaǵyp ketýi saldarynan úsh jaıaý júrginshi kóz jumdy, dep habarlady TASS RF ІІM-niń oblystyq basqarmasyna siltememen. Málimetter boıynsha, Toyota kóliginiń júrgizýshisi ony basqara almaýy saldarynan kólik aýdarylyp ketken.
«Kólik úsh adamdy qaǵyp ketken. Olardyń ekeýi alǵan jaraqattarynan oqıǵa ornynda kóz jumdy. Zardap shekken taǵy bir azamat jaqyn ornalasqan emdeý mekemesine jetkizilip, alǵan jaraqattarynan túnde qaıtys boldy», - dep naqtylady basqarmadan.
«Kólik júrgizýshisine qatysty ákimshilik quqyq buzýshylyq týraly hattama toltyryldy», - delingen habarlamada.
Jol-kólik oqıǵasy faktisimen RF QK-niń «Alkogoldik mas kúıde bolǵan tulǵanyń abaısyzda eki nemese odan da kóp adamnyń ólimine ákelip soqtyrǵan jol qozǵalysy jáne kóliktik quraldardy paıdalaný erejelerin buzý» baby boıynsha qylmystyq is qozǵaldy.
