Novosibirde eki oqýshy qyz kópqabatty úıdiń shatyrynan sekirip óldi
ASTANA. 3 aqpan. QazAqparat - Novosibirde eki oqýshy qyz kópqabatty turǵyn úıdiń shatyrynan sekirip, óz-ózderine qol saldy.
Bul týraly RBK habarlady.
RF Іshki ister mınıstrliginiń Novosibir oblysy boıynsha Bas basqarmasynyń baspasóz qyzmetinen málim etkendeı, keshe keshqurym polıtsııaǵa Gorskıı turǵyn alqabynda eki qyzdyń mert bolǵandyǵy týraly habar tústi.
Tekserý barysynda anyqtalǵandaı, oqýshy qyzdar kópqabatty turǵyn úıdiń shatyrynan sekirip ketken. Olardyń jeke zattarynyń arasynda uıaly telefondar boldy. Zaqym kelmegen olardyń birinen polıtsııa qyzmetkerleri 5 mınýtqa sozylǵan beınejazbany tapty. Qyzdar týǵandarymen jáne dostarymen qoshtasqan.
Oqýshylar 14 jáne 17 jasta boldy, ekeýi de Novosibir turǵyndary.
Qazirgi ýaqytta atalmysh fakti boıynsha tergeýaldy tekserýler júrgizilýde.
|
|
