Novorossııskige shabýyl jasaldy: Qazaqstan munaıyn tasymaldaý toqtaǵan joq

ASTANA. KAZINFORM — Energetıka mınıstrligi Novorossıısk portyndaǵy «Shesharıs» munaı termınalyndaǵy jaǵdaıǵa túsinik berdi. 

Aıta keteıik, Novorossııskide drondardyń shabýyly saldarynan «Shesharıs» keshenindegi munaı bazasy zaqymdanǵany málim boldy.

— Qazirgi ýaqytta «Atyraý — Samara» jáne «Aqtaý — Mahachkala» baǵyttary boıynsha qazaqstandyq munaıdy qabyldaý jáne tasymaldaý shtattyq rejımde, shekteýsiz júzege asyrylyp jatyr, — dep habarlady QR Energetıka mınıstrliginiń resmı ókili Ásel Serikpaeva.

Osy oraıda ol mınıstrlik «Transneft» kompanııasymen turaqty baılanysta ekenin atap ótti.

— Barlyq protsess vedomstvonyń jiti baqylaýynda, — dep naqtylady resmı ókil.

Eske salsaq, bıyl qyrkúıek aıynda Novorossııskide drondar shabýylynan Kaspıı qubyry konsortsıýmynyń eki qyzmetkeri jaralandy.