Novorossııskide ushqyshsyz ushaq shabýylynan Kaspıı qubyry konsortsıýmynyń eki qyzmetkeri jaralandy
ASTANA.KAZINFORM - Novorossııskidegi Kaspıı qubyr konsortsıýmynyń (KQK) keńsesi qala ortalyǵyna jasalǵan jappaı shabýyldan zaqymdanyp, eki qyzmetker jaraqat aldy. Bul týraly jýrnalısterge kompanııanyń baspasóz qyzmeti habarlady, dep jazady TASS.

— Búgin jumys kúniniń ortasynda Novorossıısk qalasynyń ortalyǵyna ushqyshsyz ushaqpen jappaı shabýyl jasaldy. Sonyń saldarynan turǵyn úıler men qonaqúıden bólek, «KQK-R» AQ qalalyq keńsesi zardap shekti.
Kompanııanyń eki qyzmetkeri ártúrli dárejedegi jaraqat alyp, medıtsınalyq mekemege jetkizildi. Ákimshilik keńsedegi operatsııalar ýaqytsha toqtatyldy, — delingen habarlamada.
Zardap shekkenderdiń birinde oq jaraqaty bar, bul ushqyshsyz ushaqtyń oqtumsyǵynda snarıadtardyń bolýyn kórsetýi múmkin.
Aıta keteıik, Kaspıı qubyr konsortsıýmynyń qurylǵysy ýaqytsha jóndelip jatqany habarlanǵan bolatyn.