Novı-Sadtaǵy qaıǵyly oqıǵa: myńdaǵan serb kóshege shyqty
ASTANA. KAZINFORM – Serbııada temirjol vokzalynyń jaqynda ǵana jóndelgen beton tóbesi opyrylyp, 16 adam qaza tapqan Novı-Sad qalasyndaǵy qaıǵyly oqıǵadan alty aı ótken soń narazylyq sharasyna myńdaǵan adam kóshege shyqty, dep habarlaıdy VVS.
Serbııanyń eki iri qalasy Novı-Sad pen Belgradta sherýge shyqqan adamdar apatqa kináli sheneýnikterdiń jaýapqa tartylýyn talap etti.
Novı-Sadta stýdentter qurbandardy eske alýǵa arnalǵan memorıaldyq taqta ashty. Qala meri narazylyq bildirýshiler qaıǵyly oqıǵany ádeıi paıdalanyp jatqanyn málimdedi.
Belgradta stýdentter men kásipodaq ókilderi úkimet ǵımaratyna sherýge birge shyǵyp, sybaılas jemqorlyqqa qarsy áreket etýge jáne jumysshylardyń quqyǵyn saqtaýǵa shaqyrdy.
Eske sala ketsek, ótken jyldyń qarasha aıynda Serbııa halqy eń kóp shoǵyrlanǵan Novı-Sad qalasyndaǵy temirjol vokzalynda beton shatyr qulap, 14 adam qaza tapty.
Elde vokzaldaǵy tótenshe jaǵdaı men 14 adamnyń qazasynan keıin narazylyq sharalary bastaldy.