Novgorod oblysynyń turǵyndaryna pesh jaǵýǵa tyıym salyndy
ASTANA. QazAqparat - Reseıdiń Novgorod oblysy aýmaǵynda órtke qarsy sharalarǵa baılanysty aıryqsha rejim ornatyldy.
Bul týraly osy óńirdiń TJM MB habarlady. Oblys úkimetiniń ókimine sáıkes aımaqta pesh jaǵýǵa jáne eldi mekenderde, ormandy alqaptarda ot jaǵýǵa tyıym salyndy.
Aıryqsha rejim 25 mamyrǵa deıin sozylady. Novgorod oblystyq orman sharýashylyǵy jáne orman ónerkásibi komıtetinen habarlaǵandaı, maýsym bastalǵaly beri (2014 jylǵy naýryzdan) oblys aýmaǵynda qazirdiń ózinde alty orman órti tirkelgen. Tilsiz jaýdan 6,8 gektar orman zardap shekti.
