Novgorod oblysynda psıhonevrologııalyq ınternat órtendi: qurban bolǵandar bar
ASTANA. 13 qyrkúıek. QazAqparat - Novgorod oblysynyń Malovıshersk aýdany Lýka aýylynda «Oksochı» psıhonevrologııalyq bir qabatty ınternat ǵımaratynan órt shyqty. Órt sharpyǵan aýmaq 670 sharshy metrdi qurady, dep habarlaıdy RBK.
Órt shyqqany jaıly habarlama 02:52-de kelip túsken, órt dabyly iske qosylǵan.
Qutqarýshylar 22 adamdy syrtqa shyǵardy, al 37 adamnyń taǵdyry belgisiz kúıde qalyp otyr. Internatta barlyǵy 60 adam bolǵan. Qazirgi ýaqytta qaza bolǵan birneshe adamnyń denesi tabyldy, órt saldarynan mert bolǵandardyń naqty sany anyqtalýda.
Qaıǵyly jaǵdaıdyń ne sebepti oryn alǵany áli belgisiz. Tergeý bastalyp ketti.
2013 jyly sáýir aıynyń sońynda osyǵan uqsas jaǵdaı Máskeý oblysynyń Ramenskıı aýylynda da oryn alǵan. Onda №14 psıhıatrııalyq aýrýhana órtenip, onyń saldarynan 38 adam qaza tapqan.
