Novak Djokovıch onynshy ret Aýstralııa ashyq chempıonatynyń jeńimpazy atandy
N. Djokovıch búgin fınalda grekııalyq Stefanos Tsıtsıpastan 6:3, 7:6 (7:4), 7:6 (7:5) esebimen basym tústi.
Rod Leıver arenasynda úsh saǵatqa sozylǵan báseke barysynda serbııalyq sportshy 7 eıs jasap, 5 breık-poınttyń ekeýin paıdalandy. Qarsylasy 15 eıs, 1 breıkpen (3 breık-poınt) kózge tústi.
Osylaısha, Novak Djokovıch 22 ret «Úlken dýlyǵa» týrnıriniń chempıony atandy. Bul kórsetkish jóninen ol ıspanııalyq Rafael Nadalmen teńesti. N. Djokovıch sondaı-aq, Ýımbldonda – 7, AQSh ashyq chempıonatynda – 3, Rolan Garrosta – 2 ret úzdik shyqty. R. Nadal Rolan Garrosty – 14, AQSh ashyq chempıonatyn – 4, Ýımbldon men Aýstralııa birinshiligin – 2 retten utty.
Qazirgi kezde álemdik reıtıngide 5-orynda turǵan N. Djokovıch erteń kósh bastaıdy.
Eske sala keteıik, budan buryn Aýstralııa chempıonatynda Elena Rybakınanyń chempıon atana almaǵanyn jazǵan edik.
Elena Rybakına qazaqstandyq tennısshilerden alǵash ret álemde 10-orynǵa kóteriledi.
Al, Tımofeı Skatov Chılıdegi týrnırdiń fınalyna shyqty.
Foto: championat.com
