Novak Djokovıch Astana Open týrnırine kelse, qýanar edik – ıÝrıı Polskıı
NUR-SULTAN. QazAqparat – 1-9 qazan aralyǵynda Qazaqstanda alǵash ret ótetin Astana Open ATP 500 jarysyna daıyndyq barysy qalaı? Osy jóninde Qazaqstan tennıs federatsııasynyń vıtse-prezıdenti ıÝrıı Polskıı QazAqparat tilshisine áńgimelep berdi.
- Ázirlik oıdaǵydaı. Kúni búgin barlyq negizgi uıymdastyrý máseleleri sheshildi. Tehnıkalyq daıyndyq qana qaldy. ıAǵnı korttar tolyqtaı bezendirilip, týrnırdiń joǵary deńgeıine saı keletin bolady.
Teledıdardan bolsyn, tikeleı kortta bolsyn, Qazaqstandy ádemi qyrynan kórsete bilýimiz kerek. Qyrkúıek aıynyń basynan sporttyq is-sharany montajdaý jáne júzege asyrý isine túgeldeı kirisemiz, - dedi ıÝ.Polskıı.
- ıÝrıı Fedorovıch, belgili oıynshylardan kimder keletin boldy?
- Qazirgi tańda álemniń birinshi raketkasy, reseılik Danııl Medvedev bastaǵan úzdik otyzdyqqa kiretin Felıks Oje-Alıassım, ıAnnık Sınner, Hýbert Hýrkach, sondaı-aq Lorentso Mýzettı, Karen Hachanov, Gael Monfıs, Roberto Baýtısta Agýt, Borna Chorıch, 2014 jylǵy US Open chempıony Marın Chılıch, jekeleı synda «Úlken dýlyǵa» týrnıriniń úsh dúrkin jeńimpazy Sten Vavrınkanyń keletini anyq bolyp otyr. Áli de ýaqyt bar, sondyqtan bulardyń qatary tolyǵatyny anyq.
- Ataqty tennısshiler keledi eken, bılet te satylatyn bolar?
- Árıne, «Úlken dýlyǵa» men mastersten keıingi úshinshi deńgeıdegi mundaı sporttyq jarys TMD aýmaǵynda ótip kórgen joq. Sondyqtan Eýropa, AQSh, Tokıo, Beıjińge barmaı-aq, ataǵynan at úrketin oıynshylardyń ónerin tamashalaıtyn sát týyp tur.
Budan jankúıerler shet qalmas dep oılaımyz. Bılet úsh kezeńmen satylady. Bastapqy kezeńde Qazaqstan tennıs federatsııasynyń 30 jyldyǵy qurmetine 30 paıyz jeńildik berildi. Bul kópshilikke qoljetimdi bolýy úshin jasalyp otyr.
Sodan keıingi eki kezeńde bılet quny ósedi. Bulaı etken sebebimiz, alypsatarlar bıletti aldyn ala satyp alyp, shyn jankúıerlerdi sergeldeńge salmasyn dedik. Federatsııa bılet baǵasy, týrnırge kimderdiń keletini jóninde habarlap otyratyn bolady.
- Qazaqstandyq tennısshilerden elorda tórinen kimderdi kóre alamyz?
- Aleksandr Býblıktiń oınaıtyny kámil. Reıtıngide tómen turǵandyqtan, negizgi jarysqa óte almaıtyn bolǵandyqtan, ulttyq quramanyń beldi múshesi Mıhaıl Kýkýshkınge ýaıld kard (arnaıy shaqyrtý) jiberemiz.
Sondaı-aq Denıs Evseev, Beıbit Jýkaev, Grıgorıı Lomakın, Dmıtrıı Popko Qazaqstan chempıonaty barysynda Astana Open dodasynyń irikteý saıystaryna joldama alý úshin baryn salatyn bolady.
Tımofeı Skatov kelmeýi múmkin. Óıtkeni álemdegi úzdik 200 tennısshiniń qataryna kirý úshin oǵan chellendjer jarystarynda oınaǵan tıimdi. Ulttyq qurama músheleri Andreı Golýbev pen Aleksandr Nedovesov juptyq synda óner kórsetedi.
- Kúni keshe álemniń burynǵy birinshi raketkasy, serbııalyq Novak Djokovıchtiń AQSh-tyń ashyq chempıonatynda baq synamaıtyny belgili boldy. Onyń Astana Open týrnırine kelýi múmkin be?
- Árıne, biz Novak kelse, qatty qýanar edik. Onyń ústine 2019 jyly Rafael Nadalmen birge Qazaqstanda bolyp, úlken shoý jasady. Eger ol tilek bildirse, qosymsha shaqyrtý jibere alamyz.
- Taıaýdaǵy eki-úsh jylda Astana Open ATP 500 dodasynyń joǵary mártebesin saqtap qalýǵa múmkindik bar ma?
- ATP 500 mártebesin saqtaý josparymyzda, sóz joq, bar. Tek ol úshin kóp jumys atqarýǵa týra keledi.
Qazirdiń ózinde osyndaı joǵary deńgeıdegi jarysty ótkizýge múmkindik alǵanymyz jarqyn bolashaqtyń kepili dep oılaımyz. Sondyqtan osy baǵytta jumystana bermekpiz.
- Áńgimeńizge rahmet!
Eske sala keteıik, budan buryn qazaqstandyq tennısshiniń AQSh-taǵy týrnırdiń jartylaı fınalyna shyqqanyn jazǵan bolatynbyz.
Sondaı-aq qazaqstandyq tennısshilerdiń AQSh ashyq chempıonatyndaǵy qarsylastary anyqtaldy.
