Noý-haý tonaý: Bishkekte qazaqstandyq qylmyskerler kólikterdi erekshe ádispen tonaǵan
BІShKEK. QazAqparat - Qyrǵyzstan astanasynda jeke kólikterdiń esigin buzyp ashyp, odan baǵaly zattardy urlaýmen aınalysqan 3 baýkespe ustaldy, onyń ekeýi Qazaqstannan ekeni anyqtaldy.
Qylmyskerler «noý-haý» tehnologııany paıdalanyp, kólik esigin syndyrmaı-aq ashqan. Ol úshin olar avtokólik dabylynyń kodyn tabatyn pýlt-skanerdi qoldanǵan. Pýlt-skanerdiń bir batyrmasyn bassa bolǵany, esik ózi-aq ashyla ketetin bolǵan.
Saqshylar osydan bir apta buryn aǵymdaǵy urylardy qylmys ústinde qolǵa túsirdi. Olardan eki planshet, uıaly telefon jáne birneshe pýlt-skanerler tárkilendi. Oǵan qosa, 9 gramm esirtki tabyldy.
Aldyn ala aqparat boıynsha, qaskúnemder skanerlerdi Qazaqstannan ákelgen.
Bishkek qalasy Sverdlovsk aýdandyq ІІB-de qalalyq tergeý oqshaýlaǵyshyna toǵytylǵan 3 azamatqa qatysty qylmystyq is qozǵaldy. Qyrǵyzstannyń ІІM organdary halyqaralyq jeliler boıynsha qylmyskerlerdiń QR aýmaǵynda jasalǵan qylmystarǵa qatystylyǵyn anyqtaý maqsatynda Qazaqstan Respýblıkasynyń ІІM-ge baǵdar jiberdi.
