Nottıngem qalasyndaǵy jataqhananyń órtenýi saldarynan baspanasyz qalǵan eki qazaqstandyq stýdentke kómek kórsetildi
BRıÝSSELЬ. QazAqparat - Nottıngemdegi jataqhananyń órtenýi kezinde baspanasyz qalǵan eki stýdentke kómek kórsetildi. 30 naýryz kúni Anglııanyń soltústik-shyǵysyndaǵy Nottıngem qalasynda qazaqstandyq stýdentter turyp jatqan «The Student Lodge» jataqhanasynda órt shyqqan.
Oqıǵa saldarynan ǵımarattyń bir bóligi men sonda turyp jatqan stýdentterdiń múlikteri órtenip ketken. Jataqhana qyzmetkerleriniń birlesken áreketteriniń nátıjesinde onda turyp jatqandardyń barlyǵy der ýaqytynda qaýipsiz jerge shyǵarylyp úlgerdi.
Belgili bolǵandaı, atalǵan jataqhanada 3 qazaqstandyq stýdent turyp jatqan. Órt saldarynan tek qazaqstandyq eki stýdenttiń bólmeleri men jeke zattary zardap shekken. Al qazaqstandyq úshinshi stýdenttiń bólmesine jalyn tili jetpegen. Stýdentterdiń ózderi bolsa din-aman, olarǵa ýaqytsha baspana berildi. Atalmysh oqıǵadan keıin «QazAlıans» sheteldegi qazaqstandyq stýdentterdiń birlestigi zardap shekken eki otandasymyzǵa kıim-keshekter men azyq-túlik satyp alýlary úshin 500 fýnt sterlıng túrinde bir rettik qarjylaı kómek kórsetti.
