«Notre Dame de Paris» mıýzıkli qazaq tilinde qoıylady
Alǵash ret Parıj qalasynda 20 jyl buryn qoıylǵan mıýzıkl álemniń 9 tiline aýdarylǵan. QR Mádenıet jáne sport mınıstrliginiń qoldaýynyń arqasynda Qazaqstan ataqty mıýzıkldi óziniń memlekettik tilderine aýdarǵan onynshy el bolyp otyr. Álemge áıgili qoıylym otandyq teatr óneri úshin jańa beles bolmaq.
«Notre Dame de Paris mıýzıkliniń qoıylymy úshin elimizdiń barlyq aımaǵynan jınalǵan talantty vokalıster, akrobattar men bıshiler arasynda kastıng ótkizildi. Kastıngke mıýzıkl avtorlary Rıkkardo Kochchante, qoıýshy rejısser Robert Marıen, Frantsııa men Qazaqstannyń prodıýsserleri men horeograftary jetekshilik etti. Іrikteýden elimizdiń úzdik ártisteri ótip, basty rólderdi Qaırat Sarybaev, Dıdar Abdýhalyk jáne Ádil Sultan, Abaı Muhambetjanov, Núrpeıic Ábdýraev, Serikbolsyn Kishkenbaev syndy t.b. tanymal ánshiler oryndaıdy», - delingen habarlamada.
